Paśla abviaščeńnia prysudu Čeń Vej skazaŭ sudu: «Dyktatura ŭpadzie, demakratyja pieramoža».
Kitajski piśmieńnik Čeń Vej asudžany na dzieviać hadoŭ turmy za «padbuchtorvańnie da padryŭnoj dziejnaści suprać dziaržavy».
Čeń Vej apublikavaŭ u internecie niekalki svaich ese, jakija zaklikajuć da svabody słova i reformaŭ u adnapartyjnym kitajskim hramadstvie.
Jon apynuŭsia adnym z sotniaŭ dysidentaŭ, aryštavanych u Kitai ŭ hetym hodzie za zakliki da akcyjaŭ pratestu. Paviedamlajecca, što Čeń Vej na sudzie nie pryznaŭ svaju vinu i skazaŭ, što demakratyja pieramoža ŭ Kitai.
Piśmieńnik zaŭsiody nastojvaŭ na tym, što tolki vykazvaŭ svajo mierkavańnie, a heta dazvolena kitajskaj kanstytucyjaj.
Žonka Čeń Veja u intervju Bi-bi-si raspaviała, što sud byŭ śpiektaklem i vierdykt byŭ viadomy da jaho pačatku.
Abvinavačvańnie na sudzie pieraličyła apublikavanyja na zamiežnych sajtach ese piśmieńnika, jaki krytyčna adhukajecca ab palityčnaj sistemie Kitaja. U ich jon, u pryvatnaści, vystupaje za raźvićcio hramadzianskaj supolnaści.
Sudovaje pasiadžeńnie ŭ akruzie Sujnin pravincyi Syčuań pravodziłasia za začynienymi dźviaryma i praciahvałasia nie bolš za dźvie hadziny. U dadatak da turemnaha terminu Čeń Vej na praciahu dvuch hadoŭ paśla vyzvaleńnia budzie pazbaŭleny ŭsich palityčnych pravoŭ. Heta samy surovy prysud ŭdzielniku tak zvanaj «jaźminavy revalucyi» ŭ Kitai — padziej, raspačatych uśled za «arabskaj viasnoj».
Sa słoŭ advakata piśmieńnika, paśla abviaščeńnia prysudu Čeń Vej, źviarnuŭšysia da sudu, skazaŭ: «Dyktatura ŭpadzie, demakratyja pieramoža».
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia3
Kamientary