Pytańni, jakija tyčacca farmavańnia paradku dnia pasiadžeńnia Rady kalektyŭnaj biaśpieki, zapłanavanaha na 20 śniežnia, abmierkavali 8 śniežnia ŭ Minsku Alaksandr Łukašenka i hienieralny sakratar Arhanizacyi dahavora ab kalektyŭnaj biaśpiecy (ADKB) Mikałaj Bardziuža. Pra heta paviedamlaje
Biełaruś zaraz staršyniuje ŭ ADKB. «Zastałosia niekalki dzion da praviadzieńnia, ja miarkuju, vielmi surjoznaha pasiadžeńnia Savieta kalektyŭnaj biaśpieki, dzie my pavinny razabracca z šeraham unutranych prablem, najpierš źviazanych z pazicyjaj Uźbiekistana pa asobnych pytańniach. Ad hetaha ŭžo nikudy nie dzieniešsia, pra heta ŭsie viedajuć», — skazaŭ Łukašenka.
«Viedaju, što prablem i pytańniaŭ šmat, i rubam pastaŭleny šerah pryncypovych pytańniaŭ, jany źjaŭlajucca łakmusavaj papierkaj dla dalejšaha isnavańnia ADKB. Tamu chaciełasia b abmierkavać šerah prablem, jakija ŭźnikajuć zaraz, i pa miery mahčymaści źniać ich da pasiadžeńnia SKB», — zaznačyŭ kiraŭnik dziaržavy.
Hienieralny sakratar ADKB u svaju čarhu padkreśliŭ, što hod pad staršynstvam Biełarusi «byŭ adnym z samych vynikovych». «Tyja pryjarytety, jakija vypracavała Biełaruś i jakija ciaham hoda realizoŭvali ŭ arhanizacyi, dali vielmi surjozny impuls raźvićciu ADKB», — zajaviŭ jon.
Bardziuža paviedamiŭ pra toje, jak idzie padrychtoŭka da pasiadžeńnia Rady kalektyŭnaj biaśpieki, a taksama ab realizacyi damoŭlenaściaŭ, dasiahnutych prezidentami 12 žniŭnia ŭ Astanie. «Jany buduć, vidać, asnovatvornymi z punktu hledžańnia abmierkavańnia na pasiadžeńni SKB 20 śniežnia», — skazaŭ hienieralny sakratar ADKB.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary