Standard & Poor`s źmiaściła Biełaruś u hrupu krain z samym vysokim uzroŭniem ekanamičnaj ryzyki

U svaim paviedamleńni ahienctva taksama ŭkazvaje na pavyšeńnie krainavych i halinovych ryzyk u bankaŭskim siektary Biełarusi.

Rejtynhavaje ahienctva źmianiła acenku ekanamičnaj ryzyki Biełarusi z 9 da 10. U abhruntavańni skazana: takaja acenka adlustroŭvaje mierkavańnie ahienctva ab tym, što Biełaruś źviedvaje vyklučna vysokuju ryzyku ŭźniknieńnia ekanamičnych dysbałansaŭ, vyklučna vysokuju kredytnuju ryzyku ŭ ekanomicy i vielmi vysokuju ryzyku parušeńnia ekanamičnaj ustojlivaści.

«My aceńvajem ekanamičny rost jak adnosna niaŭstojlivy, inflacyju — jak vysokuju i jakaja raście, ekanomiku — jak aryjentavanuju na ekspart, jakaja mocna zaležyć ad źniešniaha popytu i cen na syravinnyja tavary. Vysokaja palityčnaja ryzyka ŭ Biełarusi źnižaje pradkazalnaść palityki, a mahčymyja źmianieńni ŭ składzie centralizavanaj ułady mohuć pryvieści da ekanamičnaha ŭzrušeńnia ci abvastryć jaho», — adznačajuć u Standard & Poor`s.

Kanstatujučy pavyšeńnie stupieni ekanamičnaj ryzyki, ahienctva pryniało rašeńnie źmianić acenku krainavych i halinovych ryzyk bankaŭskaha siektara Biełarusi (Banking Industry Country Risk Assessment — BICRA).

Ahienctva paniziła acenku BICRA dla Biełarusi i pieraviało krainu z hrupy 9 u hrupu 10. «Naša acenka halinovaj ryzyki „10“ adlustroŭvaje vielmi vysokija, na naš pohlad, ryzyki, źviazanyja ź instytucyjnaj sistemaj i jakaściu kankurentnaha asiarodździa Respubliki Biełaruś, a taksama vyklučna vysokija ryzyki, źviazanyja z resursnaj bazaj bankaŭskaha siektara», — havorycca ŭ abhruntavańni rašeńnia.

Pavodle mierkavańni ekśpiertaŭ Standard & Poor`s, kali biełaruski ŭrad «nie zmoža pieraadoleć tendencyju da paharšeńnia ekanamičnych pakazčykaŭ, najpierš u dačynieńni da źniešnich reziervaŭ, to bankaŭskaja sistema budzie schilnaja da ryzyki ŭstojlivaha paharšeńnia jakaści aktyvaŭ i pakazčykaŭ prybytku».

U ekśpiertaŭ ahienctva niama ŭpeŭnienaści ŭ tym, što biełaruski ŭrad zmoža akazać padtrymku bankaŭskaj sistemie, u jakoj daminantnaje stanovišča zajmajuć dziaržbanki.

«Rost deficytu pa rachunku biahučych apieracyj, źnižeńnie ŭzroŭniu reziervaŭ i vałacilnaść valutnaha rynku značna pavialičvajuć nacisk na pakazčyki kredytazdolnaści ŭrada, što niehatyŭna ŭpłyvaje na jaho zdolnaść akazvać dalejšuju padtrymku bankaŭskamu siektaru ŭ vypadku nieabchodnaści», — adznačajuć ekśpierty Standard & Poor`s.

BICRA — sistema, raspracavanaja Standard & Poor`s dla acenki i paraŭnańnia bankaŭskich sistem roznych krain. Analiz BICRA u miežach kožnaj asobnaj krainy achoplivaje finansavyja instytuty, jakija jak majuć, tak i nie majuć rejtynhaŭ, što prymajuć układy, vydajuć kredyty ci sumiaščajuć abodva vidy dziejnaści. U adpaviednaści z hradacyjaj BICRA krainy padraździalajucca na hrupy ŭ zaležnaści ad uzroŭniu ryzyk u ich bankaŭskich siektarach — ad hrupy 1 (krainy z najmienšymi ryzykami) da hrupy 10 (krainy z najbolšymi ryzykami). Akramia Biełarusi da hrupy 10 adnosiacca V`ietnam i Hrecyja.

• 0
• 0
• 0
• 0
• 0
• 0
• 0
• 0