Jon sustreŭsia sa staršyniom praŭleńnia AAT «Bank VTB» Andrejem Kościnym.
Alaksandr Łukašenka ŭ najbližejšy čas surjozna zojmiecca kamiercyjnymi bankami ŭ Biełarusi z zamiežnym, u tym liku rasijskim, kapitałam.
Ab hetym zajaviŭ jon siońnia na sustrečy sa staršyniom praŭleńnia AAT «Bank VTB» Andrejem Kościnym, paviedamlaje BiełTA.
Łukašenka padkreśliŭ, što ciapierašniaja situacyja — heta łakmusavaja papierka va ŭzajemaadnosinach z bankami, u tym liku rasijskimi i zamiežnymi. Jon zaznačyŭ, što Bank VTB hodna siabie pavodzić i niamała zrabiŭ. U pryvatnaści, jon dapamahaje biełaruskim pradpryjemstvam u kredytavańni i akazvaje dapamohu inšym bankam resursami.
«U suviazi z uźnikłymi ciažkaściami na valutnym rynku — my nie havorym pra ich pryčyny, vy ich viedajecie lepš — ja skazaŭ staršyni Nacyjanalnaha banka, kab jana bližej trymałasia da kamiercyjnych bankaŭ, cikaviłasia ich pracaj. I nie tolki karektavała, ale i nakiroŭvała ich dziejnaść, kab nie było raschlabanaści ŭ krainie»,— adznačyŭ Alaksandr Łukašenka.
Jon padkreśliŭ, što rana ci pozna prablemy i ciažkija pieryjady skončacca, nastupić bolš spakojny pieryjad. «I voś tady my pavinny bolš uvahi nadavać tym, chto nam uvahu nadavaŭ u ciažki pieryjad», — skazaŭ jon.
«My surjozna zojmiemsia kamiercyjnymi bankami i vielmi akuratna, rynkavym čynam pasprabujem ŭsio taki paviarnuć banki tvaram da dziaržavy»,— adznačyŭ Łukašenka.
Pry hetym jon skazaŭ, što
Bank VTB nie maje i nie budzie mieć takich prablem, jak niekatoryja, jakija pasprabavali samaŭchilicca ad taho, što adbyvajecca ŭ Biełarusi.
Źviartajučysia da Andreja Kościna, Łukašenka skazaŭ: «Vaš bank hodna siabie pavodzić, i my hatovyja i dalej padtrymlivać vielmi surjoznyja adnosiny z vami. My budziem staracca,
kab vaš bank mieŭ niejkija pieravahi ŭ Biełarusi ŭ paraŭnańni z tymi, chto nie vielmi nas razumieje».
* * *
Zaraz u Biełarusi zarehistravany 31 bank, zamiežny kapitał prysutničaje ŭ 25 bankach, u 20 dola zamiežnaha kapitała pieravyšaje 50%. Vosiem bankaŭ majuć 100% zamiežny kapitał.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary