Zabastoŭka ŭ Barysavie: kamunalniki pieramahli, zarobak padnimuć
U Barysavie strajkavali śmiećciavozy.
Videa belsat.eu
Aŭtorak, 25 kastryčnika.
11:42
A
Takim čynam, zabastoŭka kamunalnikaŭ ŭ Barysavie skončanaja. Strajkoŭcy zadavoleny vynikami.
9:45
Da vośmaj ranicy strajkoŭcy, sabralisia na bazie, što pa vulicy Vatucina. Raspačynać pracu nichto nie źbiraŭsia. U chutkim časie pierad strajkoŭcami źjaviŭsia načalnik UP «Žyllo» Mikałaj Šarchun u supravadžeńni dvuch majoraŭ milicyi. U hety momant jon viadzie pieramovy z prysutnymi.
Kala 10- hadziny ranicy na terytoryju śpiecaŭtahaspadarki pryjechali pradstaŭniki Barysaŭskaha rajvykankama i, sa słoŭ pratestoŭcaŭ, supracoŭnik Kamiteta dziaržkantrolu.
Zaraz častka pratestoŭcaŭ i znoŭ prybyła «načalstva» viaduć pieramovy ŭ «lenpakoi». Tyja, kamu nie chapiła miesca ŭ pamiaškańni, čakajuć vynikaŭ na vulicy.
Pracu da hetaha času nichto nie raspačynaje.
* * *
Žychary Barysava siońnia ŭ ździŭleńni — śmiećcievyja baki ŭ dvarach šmatpaviarchovak pierapoŭnienyja, pry hetym ni rabočych, ni śmiećciavozaŭ nie vidać.
Rabotniki śpiecaŭtahaspadarki — arhanizacyi, jakaja adkazvaje za vyvaz śmiećcia, a taksama «Zielanbuda» abviaścili strajk.
Patrabavańnie ŭ rabotnikaŭ dvuch padraździaleńniaŭ UP «Žyllo» adno: pavyšeńnie zarpłaty. «U nas jość ludzi, jakija ŭ miesiac atrymlivajuć 600–700 tysiač rubloŭ, —raspavioŭ karespandentu adzin sa strajkoŭcaŭ. — Pry ciapierašnich cenach — heta ništo! Maksimum, što možna atrymać (heta kali prapracavaŭ usio žyćcio na adnym miescy) miljon siamsot. A praca, jak vy razumiejecie, ciažkaja».
Zabastoŭščyki nie vyvozili śmiećcie, ale zastavalisia ŭvieś pracoŭny dzień «na bazie».Da ich jašče ŭ pieršaj pałovie dnia pryjazdžaŭ «dla pieramovaŭ» dyrektar UP «Žyllo» Mikałaj Šarchun. Ale, pa słovach pracaŭnikoŭ, dyjałohu nie vyjšła. Abiacańniaŭ ŭ bližejšy čas pavysić zarpłatu da hodnaha ŭzroŭniu nie prahučała.
Zaŭtra strajkoŭcy majuć namier svoječasova źjavicca na pracu, ale znoŭ ničoha nie rabić. Kali ŭ terminovym paradku ich patrabavańni nie buduć zadavolenyja, horad ryzykuje zahraznuć u śmiećci.
Hladzi taksama: Zatrymanaha ŭ Barysavie žurnalista adpuścili
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary