Sud paličyŭ eks-premjera Ukrainy vinavataj u pieravyšeńni paŭnamoctvaŭ.
Sud asudziŭ Cimašenku na siem hadoŭ pazbaŭleńnia voli i zabaraniŭ joj zajmać dziaržaŭnyja pasady na praciahu troch hadoŭ, a taksama pastanaviŭ, što jana pavinna zapłacić "Naftahaz Ukrainy" bolš za 1,5 młrd hryŭniaŭ (kala 188 młn dalaraŭ).
Julija Cimašenka ŭstała i zajaviła, što prysud Piačerskaha suda aznačaje, što "va Ukrainu viarnuŭsia 1937". "My budziem zmahacca i abaraniać majo sumlennaje imia", - skazała eks-premjer.
***
U Piačerskim rajonnym sudzie Kijeva sudździa Radzivon Kirejeŭ pačaŭ začytvać prysud
U matyvirovačnaj častki prysudu, jakuju ŭžo začytaŭ sudździa, havorycca, što sud ličyć Juliju Cimašenka vinavataj u pieravyšeńni paŭnamoctvaŭ i što jana svaimi dziejańniami naniesła škodu «Naftahaz Ukrainy» na sumu 1,5 młrd hryŭniaŭ (188 młn dalaraŭ).
U prysudzie havorycca, što ŭrad Ukrainy ŭ studzieni 2009 hoda admoviŭsia zaćviardžać dyrektyvy na hazavyja pieramovy, i tym nie mienš, kantrakty byli padpisanyja. «Premjer ź pieravyšeńniem ułady asabista zaćvierdziła hetyja dyrektyvy», — skazaŭ Kirejeŭ.
Sudździa Kirejeŭ apisvaje abstaviny pazačarhovaha pasiadžeńnia ŭkrainskaha ŭrada ŭ 2009 hodzie, na jakim abmiarkoŭvalisia hazavyja damovy z Rasijaj.
Ukrainskija telekanały viaduć pramuju tranślacyju z pasiadžeńnia suda.
Pierad abviaščeńniem prysudu Cimašency ŭkrainskija siłavyja orhany častkova pierakryli Chryščacik, dzie znachodzicca sud.
Sudździa Kirejeŭ zajaviŭ, što Cimašenka svaju vinu nie pryznaje, ale ździajśnieńnie joju złačynstva dakazana pakazańniami śviedak. Julija Cimašenka słuchaje prysud siedziačy. Kala jaje siadziać jaje dačka Jaŭhienija i muž Alaksandr.
Prakuror paprasiŭ asudzić Juliju Cimašenku na 7 hadoŭ źniavoleńnia z vypłataj štrafu ŭ 1,5 młrd hryŭniaŭ. Ad 5 žniŭnia
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary