Z 1 kastryčnika ŭ Minsku ŭnosiacca źmianieńni ŭ niekatoryja maršruty ruchu hramadskaha transpartu
Tak, u suviazi z budaŭnictvam transpartnaj raźviazki na pierasiačeńni vulic Dzianisaŭskaj i Majakoŭskaha z 1 pa 8 kastryčnika admianiajecca praca aŭtobusaŭ maršrutu № 192 «Aŭtavakzał „Uschodni“ — Vakzał». Arhanizujecca praca časovaha aŭtobusnaha maršrutu № 181 «Dyśpietčarskaja stancyja (DS) „Družnaja“ — vuł. Dzianisaŭskaja» z ruchańniem pa vuł. Tałstoha, Maskoŭskaj, Babrujskaj, Uljanaŭskaj, Śviardłova, Majakoŭskaha, Dzianisaŭskaj, Vaniejeva, Traścianieckaj, Aranskaj, Majakoŭskaha, Śviardłova, Kirava, Babrujskaj, pł. Miaśnikova, Maskoŭskaj, Tałstoha.
Adnačasova praduhledžana pavieličeńnie kolkaści ruchomaha składu na aŭtobusnym maršrucie № 5T.
U suviazi z kapitalnym ramontam vuł. Čyrvonaj 1 i 2 kastryčnika ruchańnie aŭtobusaŭ maršrutu № 19 z boku kancavoha punkta «Ślapianka» arhanizujecca pa praśpiekcie Mašerava, vulicach Kujbyšava i V.Charužaj biez vykanańnia pramiežkavych prypynačnych punktaŭ na źmianiajemym učastku, z boku DS «Karastajanavaj» — bieź źmianieńniaŭ.
Dla aptymizacyi maršrutnaj sietki i raŭnamiernaha raźmierkavańnia pasažyrapatoku pa viestybiulach stancyi mietro «Instytut kultury» z 1 kastryčnika ruch aŭtobusaŭ № № 32S, 35S, 117S z boku DS «Družnaja» ŭ napramku vuł. Čyhunačnaj arhanizujecca pa vuł. Vakzalnaj, vuł. Suražskaj (biez zajezdu na vuł. Maskoŭskuju) z vykanańniem prypynačnaha punkta «Stancyja mietro «Instytut kultury».
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary