Tolki 5% rasijcaŭ ličać Łukašenku adzinym i sapraŭdnym siabram Rasii.
Tolki 5% rasijcaŭ ličać Łukašenku adzinym i sapraŭdnym siabram Rasii.
Taki vynik apytańnia, zładžanaha rasijskim «Levada-centram» 15–19 lipienia ŭ 130 nasielenych punktach 45 rehijonaŭ Rasii. Stolki ž respandentaŭ nazvali Łukašenku «adzinym siabram» i ŭ 2007 hodzie, to bok za 4 hady kolkaść jaho prychilnikaŭ siarod hramadzian Rasii nie vyrasła. Zusim pa-inšamu vyhladaje admoŭny rejtynh biełaruskaha lidara. Kali ŭ 2007 hodzie «apošnim dyktataram Jeŭropy» jaho ličyŭ kožny dziasiaty rasijec, to ciapier — kožny piaty. Na 1% vyrasła kolkaść tych, chto ŭvažaje Łukašenku za «chitraha i padstupnaha palityka» — z 31 da 32%. Na 11% źniziłasia kolkaść tych, chto ličyŭ jaho «pavažanym lidaram biełaruskaha naroda».
Rasijskija daśledčyki miarkujuć, što padzieńnie papularnaści Łukašenki siarod hramadzian Rasii abumoŭlenaja sukupnaściu faktaraŭ: ekanamičny kryzis, paharšeńnie miždziaržaŭnych stasunkaŭ i, jak śled, masiravanaja prapahandysckaja i infarmacyjnaja vajna (sieryjał «Chrosny baćka»), a taksama paślavybarčyja represii ŭ Biełarusi.
Jak śviedčyć apytańnie «Levada-centra», paharšeńnie staŭleńnia da Łukašenki adbiłasia i na acency rasijcami Biełarusi ŭ cełym.
Na pytańnie «Jak vy ŭ cełym staviciesia ciapier da Biełarusi?» «vielmi dobra» ŭ lipieni adkazali 7% (studzień 2011 — 12%), «u asnoŭnym dobra» — 61 (67), «u asnoŭnym drenna» — 18 (10), «vielmi drenna» — 4 (2).
Varta dadać, što zhodna sioletniaha apytańnia, zładžanaha fondam «Hramadskaje mierkavańnie»,
Biełaruś upieršyniu trapiła ŭ śpis vorahaŭ Rasii.
Padzieńnie davieru da Łukašenki ŭnutry krainy fiksujuć biełaruskija daśledčyki. Červieńskaje apytańnie NISEPD śviedčyć, što na siońnia kolkaś tych, chto hatovy prahałasavać za Łukašenku na prezidenckich vybarach składaje mienš za 30%.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić11
Kamientary