NISEPD: Rejtynh Łukašenki ŭpaŭ nižej za 30%

Apytańnie pravodziłasia ŭ červieni i zafiksavała kałaps padtrymki ŭładaŭ.

Mietadam face-to-face interview śpiecyjalisty NISEPD apytali ŭ červieni 1503 respandenty va ŭzroście 18 hadoŭ i starejšych, pamyłka reprezientatyŭnaści nie pieravyšaje 3%).

Paharšeńnie «ekanamičnaha samaadčuvańnia» biełarusaŭ paśla prezidenckich vybaraŭ 19 śniežnia 2010 h., zafiksavanaje ŭ sakaviku, siońnia možna charaktaryzavać jak sapraŭdny abvał.

Tak, kolkaść respandentaŭ, jakija skazali, što ich materyjalnaje stanovišča za apošnija try miesiacy pahoršała, uzrasła da 73%.

82% ličać, što «biełaruskaja ekanomika znachodzicca ŭ kryzisie», pryčym vinu za heta ŭskładajuć pierš za ŭsio na prezidenta (45%) i ŭrad (37%), a nie na suśvietny kryzis (27%) abo śpiekulantaŭ (17%).

Kolkaść tych, chto ličyć, što «ŭ cełym situacyja ŭ Biełarusi raźvivajecca ŭ niapravilnym kirunku», usiaho za try miesiacy ŭzrasła z 40% da 62%, a «ŭ pravilnym», naadvarot, źniziłasia z 45% da 26%. Heta amal najnižejšy pakazčyk za ŭsiu historyju manitorynhu NISEPD.

U ludziej narastaje adčuvańnie, što my žyviom u palicejskaj dziaržavie. Zvyš pałovy apytanych (53%) siońnia ličać, što A. Łukašenka pierš za ŭsio abapirajecca «na vajskoŭcaŭ, MUS, KDB», 38% — «na prezidenckuju» viertykal», 24% — «na dziaržaŭnych čynoŭnikaŭ». Dla paraŭnańnia: «na prostych ludziej» — 19%, «na śpiecyjalistaŭ» — 7%, «na kulturnuju i navukovuju elitu» — 4%.

Kolkaść adkazaŭ «prezident zabiaśpiečvaje niepaśpiachova» pieravyšaje kolkaść adkazaŭ «paśpiachova» (u tym liku, «padjom ekanomiki, rost dabrabytu» — 16% suprać 76%, «padtrymańnie stabilnaści ŭ hramadstvie» — 30% suprać 60%, «baraćbu z karupcyjaj» — 35% suprać 49%).

Na pytańnie: «Jak Vy ličycie, toje, što ŭ rukach A.Łukašenki skancentravana ciapier praktyčna ŭsia ŭłada ŭ krainie, idzie na karyść Biełarusi ci nie daje krainie ničoha dobraha?» 59% adkazali «nie daje krainie ničoha dobraha» i tolki 26% — «idzie na karyść Biełarusi» (u vieraśni minułaha hoda hetyja suadnosiny było 39% suprać 44%).

Niadziŭna, što ličba hatovych znoŭ prahałasavać za Łukašenku na prezidenckich vybarach apuściłasia nižej za 30% i skłała 29,3% (u śniežni 2010 h. — 53%, u sakaviku 2011 h. — 42.9%).

Staŭleńnie biełarusaŭ da Rasiei stanovicca ŭsio bolš składanym.

Tak, z adnaho boku, zajavu ministra finansaŭ A. Kudryna, što «Rasieja daść kredyt u pamiery 3 młrd dalaraŭ pry ŭmovie, kali Biełaruś praviadzie ekanamičnyja reformy» paličyli spraviadlivym rašeńniem 47%, a niespraviadlivym — 37%. Ź inšaha boku,

«žadańnie Rasiei atrymać bujnyja biełaruskija pradpryjemstvy, takija jak «Biełtranshaz», MAZ, «Biełaruśkalij» vyklikała ŭ cełym niehatyŭnuju reakcyju biełarusaŭ: 37% ličać, što ich nielha pradavać ni ŭ jakim razie, a 20% — što ich nie varta pradavać rasiejcam,

Aceńvajučy stanovišča ŚMI ŭ Biełarusi, siońnia ŭžo 53% respandentaŭ ličać, što jany zaležnyja, i tolki 10% — niezaležnyja.

Ab rehularnym karystańni internetam zajavili 40% apytanych.

• 0
• 0
• 0
• 0
• 0
• 0
• 0
• 0