Jaho arhanizatary płanujuć prajści vulicami horada 17 lipienia.
Jaho arhanizatary płanujuć prajści vulicami horada 17 lipienia.
Zakliki pryjści na «Słavianski marš» u Mahilovie źjavilisia na partale «Viernyj narod». Ź infarmacyi, raźmieščanaj na sajcie, vynikaje, što marš płanujecca pravieści 17 lipienia — u čarhovuju hadavinu rasstrełu carskaj siamji. Jak paviedamiŭ naš čytač z Mahilova, u horadzie ŭ apošni čas źjavilisia ŭlotki z zaklikami iści na marš. «Heta naš adkaz rusafobam usich ranhaŭ i nakirunkaŭ», — havorycca ŭ tekście ŭlotki.
Varta adznačyć, što haradskija ŭłady ŭ minułym hodzie dvojčy admovili arhanizataram maršu ŭ praviadzieńni akcyi. Nahodaj stali rasijskija impierskija ściahi, jakija źbiralisia vykarystoŭvać udzielniki maršu.
U červieni, jak piša partał «Viernyj narod», arhanizatara maršaŭ Dźmitryja Dzienisienku vyklikali ŭ KDB, dzie papiaredzili pra adkaznaść za ekstremizm i arhanizacyju masavych biesparadkaŭ. Dzienisienku partał nazyvaje lidaram ruskaha kryła biełaruskich apazicyjnych ruchaŭ.
Źviartaje na siabie ŭvahu toj fakt, što sajt aktyŭna drukuje artykuły, u jakich rezka krytykujecca Łukašenka. A taksama pieradrukoŭvaje paviedamleńni ź niezaležnych ŚMI pra akcyi maŭčańnia i ekanamičnuju situacyju ŭ krainie. Łukašenku vinavaciać u spryjańni sijanisckamu łobi i pałanizacyi Biełarusi. Sajt ź ciepłynioj zhadvaje zabitaha ŭ 2000 hodzie lidara biełaruskaha kryła RNIE (Ruskaje nacyjanalnaje adzinstva) Hleba Samojłava, jakomu pryśviečany asobny raździeł.
Sajt padtrymlivaje suviaź ź inšymi nacyjanalistyčnymi rasijskimi i prarasijskimi resursami.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku79
Kamientary