Minharvykankam: pikiet BCHD budzie «zaminać ludziam chadzić, a kramam — pracavać»
Pradstaŭniki arhkamiteta pa stvareńni partyi «Biełaruskaja Chryścijanskaja Demakratyja» atrymali adkaz ź Minharvykankama na zajaŭku ab praviadzieńni la Kamaroŭskaha rynka pikieta ŭ padtrymku palitviaźniaŭ i patrabavańnia praviadzieńnia svabodnych vybaraŭ.
Ułady ličać jaho praviadzieńnie niemetazhodnym z pryčyny taho, što pikiet budzie pieraškadžać ludziam chadzić, a kramam — pracavać. «Heta vidavočnaja biazhłuździca i čarhovaje parušeńnie zakonu. Ale dla nas hetaja admova nie stała niečakanaściu. Zrazumieła, što ŭłada budzie namahacca zabaraniać usie našyja pikiety», — adznačyŭ adkazny sakratar BCHD Dzianis Sadoŭski.
«My abaviazkova budziem praciahvać i nadalej padavać zajaŭki na praviadzieńnie pa ŭsioj krainie 100 pikietaŭ za vyzvaleńnie palitviaźniaŭ. My budziem šukać miescy, dzie šmat ludziej, ale dzie niama kramaŭ, mietro i inšaha, čamu my mahli b „pieraškadžać“. I zmahacca za heta my budziem ažno da padačy spravaŭ u sud», — paviedamiŭ palityk.
Jon taksama adznačyŭ, što siabry BCHD raspačali pa ŭsioj krainie zbor podpisaŭ za vyzvaleńnie palitviaźniaŭ.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary