U Homieli śpiecnaz vycisnuŭ pratestoŭcaŭ, lidaraŭ apazicyi zatrymlivali previentyŭna
U Homieli ŭviečary 15 červienia śpiecnaz razahnaŭ udzielnikaŭ akcyi maŭklivaj salidarnaści, jość zatrymanyja.
U 19,00 na płoščy Lenina sabralisia kala 180 čałaviek, tut ža źjavilisia supracoŭniki śpiecnaza i aŭtazak. Milicyjanty praz hučnahavarycieli papiaredzili hamialčan, što na płoščy rychtujecca niesankcyjanavanaja akcyja, i pieraścierahli hramadzian ad udziełu ŭ joj, pahražajučy administracyjnym i kryminalnym pieraśledam.
Zatym śpiecnaz staŭ adciskać ludziej z płoščy. U hety čas na praśpiekcie Lenina
byŭ zatrymany rehijanalny lidar ruchu «Za Svabodu» Piotr Kuźniacoŭ, jaki nakiroŭvaŭsia na akcyju.Milicyjanty zapchnuli jaho ŭ aŭtamabil i dastavili ŭ adździeł kryminalnaha vyšuku Centralnaha RAUS, dzie paviedamili, što małady čałaviek padobny da złačyncy, jaki sarvaŭ šyi žančyny załaty łancužok koštam 7 młn rubloŭ. Złačynstva, pa słovach milicyjantaŭ, adbyłosia ŭ minuły čaćvier.
«U mianie patrabujuć alibi. Maŭlaŭ, dzie ja byŭ u minuły čaćvier. Ci nie zryvaŭ załaty łancužok ŭ kahości z šyi?» — paviedamiŭ Kuźniacoŭ.
Pa jaho słovach, piać aktyvistaŭ ruchu «Za Svabodu» na płošču tak i nie dabralisia. Ich miescaznachodžańnie nieviadoma, mabilnyja telefony nie adkazvajuć.
Na płoščy Lenina byli zatrymanyja i źmieščanyja ŭ aŭtazak homielskija žurnalisty Pavieł Mickievič i Łarysa Ščyrakova.
Supracoŭniki śpiecnazu rastłumačyli zatrymanym, što im nieabchodna prajści ŭ aŭtazak, kab «pačytać tam Kanstytucyju». U dadzieny momant žurnalisty i jašče troje zatrymanych dastaŭleny ŭ Centralny RAUS.
Tym časam ludziej adcisnuli z płoščy Lenina, paśla čaho jany razyšlisia.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć7
Kamientary