Alaksandr Kłaskoŭski-małodšy napisaŭ zajavu ab pieravodzie ŭ kałoniju, nie čakajučy kasacyi
Były supracoŭnik milicyi Alaksandr Kłaskoŭski, adzin z asudžanych pa spravie ab masavych biesparadkach, napisaŭ zajavu ab pieravodzie ź minskaha SIZA № 1 u kałoniju, nie čakajučy vynikaŭ razhladu kasacyi.Pra heta paviedamiła jaho siastra Volha.
Pavodle słoŭ Volhi Kłaskoŭskaj, ad brata pryjšoŭ pieršy list sa śledčaha izalatara, datavany 2 červienia. Kłaskoŭski mieŭ namier abskardzić vyrak suda Leninskaha rajona, ale zrabiŭ heta jon ci kasacyjnuju skarhu padała jaho advakat Iryna Burak, pakul nieviadoma. Kłaskoŭski, jak były supracoŭnik milicyi, raźličvaje trapić u kałoniju
U liście Alaksandr Kłaskoŭski paviedamiŭ, što 2 červienia jamu pieradali haziety: «Komsomolskuju pravdu» v Biełoruśsii», «Našu nivu» i «Priessboł».
Nahadajem, Kłaskoŭski abvinavačvaŭsia na padstavie č. 1 i č. 2 art. 293 (arhanizacyja i ŭdzieł u masavych biesparadkach), art. 369 (źniavaha pradstaŭnika ŭłady) i art. 382 KK (samavolnaje prysvajeńnie zvańnia abo ŭłady słužbovaj asoby). 26 maja sud Leninskaha rajona Minska pryhavaryŭ jaho da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary