Budziem rochkać: Vytvorčaść śvininy ŭzraście bolš čym u 1,5 razu
Vytvorčaść śvininy ŭ Biełarusi za 2011–2015 hady ŭ žyvoj vazie ŭzraście bolš čym u 1,5 razu da 630 tys.t u hod.Heta praduhledžana respublikanskaj prahramaj rekanstrukcyi, techničnaha pieraasnaščeńnia i budaŭnictva kompleksaŭ pa vyroščvańni śviniej u 2011–2015 hadach, zaćvierdžanaj pastanovaj Savieta ministraŭ ad 5 maja 2011 h. № 568, paviedamiła
Metaj prahramy źjaŭlajecca pavieličeńnie abjomaŭ vytvorčaści i pavyšeńnie efiektyŭnaści pracy haliny śvinahadoŭli, a taksama zabieśpiačeńnie nasielnictva i pierapracoŭčaj pramysłovaści vysakajakasnaj śvininaj pry ŭstojlivym raźvićci rynku.
Padčas realizacyi prahramy płanujecca pabudavać 72 kompleksy pa vyroščvańni śviniej z zakončanym cykłam vytvorčaści, a taksama 38 repraduktarnych cechaŭ na dziejnych kompleksach. Buduć taksama ŭźviedzienyja piać plemiannych zavodaŭ pa raźviadzieńni śviniej miasnych parod suśvietnaj sielekcyi i šaści plemiannych repraduktaraŭ pieršaha paradku. Pry poŭnym asvajeńni mahutnaściaŭ novych kompleksaŭ da 2018 hoda vytvorčaść śviniej u žyvoj vazie pavinna dasiahnuć 650 tys. t u hod. Rekanstrukcyja i techpieraŭzbrajeńnie zapłanavanyja taksama na ŭsich 107 dziejnych śvinakompleksach.
Usiaho ŭ rekanstrukcyju, techpieraasnaščeńnie i budaŭnictva kompleksaŭ pa vyroščvańni śviniej za piacihodku budzie ŭkładziena bolš za Br10 trłn. Z hetaj sumy amal 9,9 trłn. rubloŭ — heta srodki bankaŭ pryvatnaj formy ŭłasnaści, inviestaraŭ i zamiežnyja kredytnyja linii, 103,3 młrd. — ułasnyja srodki.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach25
Kamientary