Takija rašeńni 29 krasavika pryniała kamisija pa nazvach i pierajmienavańni vulic.
U Minsku źjaviacca vulicy imia mastakoŭ Ivana Chruckaha i Piatra Sierhijeviča, muzyčnaha dziejača Hienadzia Citoviča, piśmieńnikaŭ Jana Barščeŭskaha, Ivana Navumienki i Uładzimira Duboŭki.Takija rašeńni 29 krasavika pryniała kamisija pa nazvach i pierajmienavańni vulic, praśpiektaŭ, płoščaŭ i inšych sastaŭnych častak horada Minska. Ab hetym paviedamiŭ siabra kamisii kandydat histaryčnych navuk Ivan Sacukievič.
Pavodle jaho słoŭ, hetyja vulicy buduć znachodzicca ŭ novym mikrarajonie, jaki prapanujecca nazvać Chmarynskija Pasieki i płanujecca zbudavać pamiž byłym pasiołkam Navinki i byłoj vioskaj Zacień.
Akramia taho, vulicu Čaćviortaje transpartnaje kalco, jakaja znachodzicca pamiž praśpiektam Dziaržynskaha i čyhunkaj Minsk - Brest, vyrašana nazvać u honar litoŭskaha mastaka i kampazitara Mikałojusa Čurlonisa, ciešča jakoha rodam z-pad Minska - z byłoj vioski Piatroŭščyna, što znachodziłasia pobač z hetaj vulicaj, skazaŭ navukoviec.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz
Kamientary