Suprać Asadaŭ źjadnalisia jak libierały, tak i musulmanskija demakraty.
U aŭtorak ułady Siryi ŭchvalili zakon, jaki admianiaje režym nadzvyčajnaha stanovišča, jaki dziejničaŭ u krainie amal paŭstahodździa,paviedamlaje dziaržaŭnaje ahienctva SANA.
Prezident Siryi Bašar Asad, vystupajučy ŭ subotu z pramovaj u Damasku, paabiacaŭ admianić nadzvyčajnaje stanovišča ciaham najbližejšaha tydnia.
Taksama ŭrad zakryŭ sud dziaržaŭnaj biaśpieki, jaki zajmaŭsia spravami palitviaźniaŭ. Akramia hetaha, zaćvierdžany novy zakon, jaki dazvalaje pravodzić mirnyja pratesty.
Ułady byli vymušany pajści na hetyja kroki, kab źbić chvalu pratestaŭ. Ranicaj u aŭtorak pryjšli paviedamleńni ab šmatlikich achviarach siarod žycharoŭ horada Choms, dzie vojska padaŭlaje paŭstańnie.
Sutyčki sa śpiecsłužbami adbyvajucca taksama ŭ stalicy Damasku, haradach Łatakija, Banijas, Der'a.Paŭstali jak zachad krainy, tak i zasielenyja nacyjanalnymi mienšaściami rehijony -- druzy na poŭdni, kurdy na poŭnačy. Asnoŭnuju vinu za "biesparadki" ŭłady ŭskładajuć na isłamistaŭ-sałafistaŭ. Adnak niaŭzbrojenym vokam vidać, što
hałoŭnaj pryčynaj stała stoma ad 50-hadovaha kiravańnia ŭ krainie siamji Asadaŭ. Suprać ich źjadnalisia jak libierały, tak i musulmanskija demakraty.Stanovišča kłana Asadaŭ paharšajecca tym, što jany naležać da ałavitaŭ -- kirunku šyizmu. Tady jak absalutnuju bolšaść u krainie składajuć sunity. Mienavita ałavity składajuć bolšaść u aparacie biaśpieki. U vypadku revalucyi Siryi moža pahražać kryvavaja mižrelihijnaja pomsta.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary