Adnaŭleńnie pracy Maskoŭskaj linii mietro adkładajecca
Raniej mierkavałasia, što jana budzie zapuščana 13 krasavika. Dla pierasadki pamiž linijami mietro budzie arhanizavana praca časovaha aŭtobusnaha maršrutu №33.
Pra heta paviedamiŭ telekanał STV.
Raniej mierkavałasia, što Maskoŭskaja linija budzie zapuščana 13 krasavika, adnak zatym terminy adnaŭleńnia ruchu pa pieršaj linii byli pieraniesienyja.
Apieratyŭna adramantavać stancyju «Kastryčnickaja», na jakoj 11 krasavika adbyŭsia terakt, i ŭvieści jaje ŭ ekspłuatacyju Łukašenka daručyŭ haradskim ŭładam na ekstranaj naradzie paśla vybuchu ŭ mietro.
***
U 13.50 na «Kupałaŭskaj» pačałasia pasadka i vysadka pasažyraŭ. Pakul na stancyi pracuje tolki adzin vychad — na vulicu Karła Marksa.
Takim čynam, druhaja linija mietrapalitena — «Aŭtazavodskaja» — pracuje ciapier u poŭnym abjomie.
Jak paviedamlałasia raniej, ruch pa pieršaj linii Minskaha mietrapalitena adnovicca 13 krasavika, adnak elektraciahniki na stancyi «Kastryčnickaja», dzie prahučaŭ vybuch, spyniacca nie buduć.
Z metaj ažyćciaŭleńnia pierasadki pamiž pieršaj i druhoj linijami mietro budzie arhanizavana praca časovaha aŭtobusnaha maršrutu № 33 st. m. «Instytut kultury» — st. m. «Płošča Pieramohi» z vykanańniem usich prypynkaŭ pa trasie ruchu. Prajaznyja dakumienty na mietro sapraŭdnyja dla prajezdu ŭ aŭtobusach № 33. Ruch aŭtobusaŭ maršrutu № 100 budzie arhanizavany pa raniejšaj schiemie — ad aeraporta
Na pieryjad zakryćcia pieršaj linii mietrapalitena prajaznyja dakumienty na mietro dziejničajuć va ŭsich vidach haradskoha pasažyrskaha transpartu, aprača maršrutnych taksi.
Pavialičana kolkaść ruchomaha sastavu na aŭtobusnym maršrucie № 100, tralejbusnych maršrutach № № 3, 33, 44, 46, 53, tramvajnych maršrutach № № 1, 6. 12 krasavika arhanizavana praca časovaha aŭtobusnaha maršrutu № 33 st. m. «Instytut kultury» — st. m. «Płošča Pieramohi» z vykanańniem usich prypynkaŭ pa trasie ruchu. Ruch aŭtobusaŭ maršrutu № 100 arhanizavany da stancyi mietro «Uručča».
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary