Frahmenty presavaj kanferencyi dla ŭkrainskich žurnalistaŭ kamentuje Alaksandar Kłaskoŭski.
Na siońniašniaj presavaj kanferencyi dla ŭkrainskich žurnalistaŭ, jak i prahnazavałasia, užo ź pieršych pytańniaŭ paŭstała balučaja dla Miensku tema enerhietyčnaj biaśpieki. Paŭstaŭ cień Maskvy, jakaja, maŭlaŭ sprabuje razmachvać "miačom hazu i nafty".
Aficyjny kiraŭnik bolej strymana, čym heta było 29 vieraśnia, ale ćviorda ahučyŭ sustrečny zysk, jaki moža być vyłučany Rasiei ŭ vypadku rezkaha rostu koštaŭ na enerharesursy. Było nahadana pra tranzyt, vajskovyja abjekty, abaronu zachodnich miežaŭ...
Prahučała žorstkaja vysnova, što sajuz razvalicca ciaham niekalkich hadoŭ, kali nia budzie roŭnych umovaŭ (čytaj: pamiarkoŭnych koštaŭ na haz).
Była vykazana kryŭda z nahody vychadu Rasiei z pahadnieńnia ab roŭnych umovach haspadarańnia. Tak sajuźniki rabić nia musiać, reziumavaŭ Łukašenka.
Paralelna hučała dumka pra toje, što mahčymy enerhietyčny aljans Biełarusi i Ŭkrainy źmianiŭ by ŭsiu kanfihuracyju nia tolki ekanamičnych, ale i palityčnych stasunkaŭ u rehijonie. To bok Rasieja ŭžo nie zmahła b trymać susiedziaŭ "na karotkim pavadku" nafty i hazu...
Cikavym byŭ frahment adkazu na dalikatnaje pytańnie pra adradžeńnie movy tytulnaje nacyi. Viedajučy trapiatkoje staŭleńnie haściej da nacyjanalnaj spadčyny, haspadar sustrečy sam na niejki momant pierajšoŭ na matčynu movu. I musiŭ zaznačyć: kali nia viedaješ biełaruskaj movy — ty nie biełarus!
Cikava, ci pabiehła ŭžo naša čynavienstva ŭ kniharni pa słoŭniki?
Kali ž viartacca ad linhvistyki da temy mahčymaha enerhietyčnaha chaŭrusu, u tym liku dziela supraćstajańnia rasiejskamu cisku ("šantažu", jak naŭprost skazała adna žurnalistka), to čakać tut niejkaha sensacyjnaha praryvu nie vypadaje, zaznačyŭ u hutarcy sa mnoj palitolah Andrej Fiodaraŭ.
"Ukraincy — ludzi abačlivyja, i jany buduć vyvučać kankretyku prapanoŭ, — ličyć moj surazmoŭca. — Niejkija sumiesnyja prajekty mahčymyja, ale ŭ lubym vypadku Kijeŭ nie zachoča pravakavać Maskvu".
Što ž da stasunkaŭ Miensku z Maskvoj, to, zaznačyŭ ekspert, sionńšni paŭtor "sustrečnaha zysku" śviedčyć: vyrašalny raŭnd pieramoŭ napieradzie. I nia fakt, što, jak pradrakajuć niekatoryja analityki, Kreml "daciśnie".
"Abaraniajučy Biełaruś padčas hałasavańnia pa apošniaj rezalucyi ŭ AAN, Rasieja jašče raz pakazała, što, niahledziačy na supiarečnaści, trymajecca za stratehičny aljans ź Mienskam", — reziumavaŭ Andrej Fiodaraŭ.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam7
Kamientary