Siomaha listapada ŭ Salihorsku zatrymali Illu Šyłu, jaki ź inšymi maładzionami sprabavaŭ uskłaści vianok z kalučaha drotu da pomniku važaka revalucyi.
Siomaha listapada ŭ Salihorsku zatrymali Illu Šyłu, jaki ź inšymi maładzionami sprabavaŭ uskłaści vianok z kalučaha drotu da pomniku važaka revalucyi.
Pomnik Leninu ŭ hety dzień byŭ ačepleny supracoŭnikami ŭ formie i ŭ cyvilnym z usich bakoŭ. Da jaho nikoha nie dapuščali. Jašče na padychodzie da centralnaj płoščy, dzie mieła adbycca tak zvanaje ŭračystaje mierapryjemstva z udziełam staršyni salihorskaj «vertykali», milicyja praviarała dakumenty j sumki padazronych maładzionaŭ. Taki pilny kantrol, vidać, źviazany ź niebyvałaj aktyŭnaściu salihorskaj moładzi ŭ apošni čas.
A 10-aj hadzinie da pomniku ad harvykankama paciahnułasia kalona ź kvietkami j viankami. Nieŭzabavie na pierakryžavańni la płoščy źjaviłasia niekalki maładzionaŭ. Jany nieśli vianok z kalučaha drotu i stužkaj z nadpisam «Achviaram tatalitaryzmu». Da ich adrazu nakiravalisia milicyjanty. Jany zabaranili chłopcam uskładać vianok, spasłaŭšysia na toje, što jon nie adpaviadaje niejkim normam. Tady dvoje chłopcaŭ źniali stužku z nadpisam i panieśli jaje da pomniku. Tam užo inšyja milicyjanty adabrali stužku i razarvali jaje, spasłaŭšysia na toje, što «zabaroniena kłaści stužki na kvietki».
Chłopca ź viankom, jakim akazaŭsia Illa Šyła, zapichnuli ŭ mašynu razam ź viankom. Heta vyklikała vialikaje abureńnie ŭ minakoŭ, adnak nijak nie paŭździejničała na milicyjantaŭ. Paśla pryjezdu ŭ pastarunak baćkoŭ, chłopca adpuścili, a vianok pakinuli dziela praviadzieńnia ekspertyzy, skłaŭšy pratakoł ab vyniatkie.
– My razumiejem, što hety dzień zastajecca śviatam dla niekatorych ludziej starejšaha pakaleńnia. Ale my chočam pryciahnuć uvahu hramadzkaści da taho, što ŭ vyniku kryvavaha pieravarotu na adnoj šostaj častcy sušy, 70 hod panavaŭ tatalitaryzm, byli zabity i zahinuli ŭ łahierach dziasiatki miljonaŭ ludziej, – kaža adzin z udzielnikaŭ akcyi. – Nas aburaje, jak da hetaha «śviata» stavicca aficyjnaja ŭłada.
Nahadajem, što ŭ minułym hodzie salihorskaja milicyja taksama zatrymała čaćviorych udzielnikaŭ uskładańnia vianka z kalučaha drotu ŭ pamiać ab achviarach savieckaha režymu.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia3
Kamientary