Heta pazityŭny scenar bolš ciesnych stasunkaŭ Biełarusi ź JEZ, kali vybary buduć spraviadlivymi, niezaležna ad pieramožcy, abo šlach samaizalacyi ŭ vypadku, kali vybary projduć, jak i raniej.
Tema Biełarusi i niadaŭni vizit u Minsk ministraŭ zamiežnych spraŭ Polščy i Hiermanii stała adnoj z asnoŭnych na sustrečy kiraŭnikoŭ MZS krainaŭ Jeŭraźviazu, jakaja adbyłasia 22 listapada ŭ Brusieli. Ab hetym paviedamlaje Informacyjna Agencja Radiowa.
Ministr zamiežnych spraŭ Polščy Radasłaŭ Sikorski zaklikaŭ krainy JEZ nakiravać naziralnikaŭ na prezidenckija vybary ŭ Biełarusi 19 śniežnia i ŭvažliva sačyć za vybarčaj kampanijaj.
Polski ministr padkreśliŭ, što śniežańskija vybary vyrašać pytańnie adnosna budučaha miesca našaj krainy ŭ Jeŭropie. Pry hetym jon nazvaŭ dva mahčymyja scenary raźvićcia padziej. «Heta pazityŭny scenar bolš ciesnych stasunkaŭ Biełarusi ź Jeŭraźviazam, kali vybary buduć spraviadlivymi, niezaležna ad pieramožcy, albo šlach samaizalacyi ŭ vypadku, kali vybary projduć, jak i raniej», — adznačyŭ Sikorski.
Jak paviedamlałasia, 2 listapada Radasłaŭ Sikorski razam ź ministram zamiežnych spraŭ Hiermanii Hida Vestervele pabyvaŭ u Minsku z aficyjnym vizitam. Padčas sustreč z kiraŭnictvam Biełarusi pradstaŭniki Brusiela zajavili, što ad demakratyčnaści sioletnich prezidenckich vybaraŭ buduć zaležać dalejšyja stasunki Biełarusi i Jeŭraźviaza, a taksama patencyjnaja finansavaja padtrymka našaj krainy. U svaju čarhu, prezident Biełarusi Alaksandr Łukašenka zapeŭniŭ, što vybary ŭ Biełarusi projduć «biez sučka i zadorinki».
«My łovim na słovie prezidenta Łukašenku, — zajaviŭ žurnalistam Radasłaŭ Sikorski. — Nam, daśviedčanym palitykam, zrazumieła, jakaja palityčnaja sistema jość u Biełarusi. Ale my pryjechali, kab vykazać salidarnaść z usim biełaruskim narodam, u jakoha jość takija samyja pravy, jak va ŭsich jeŭrapiejcaŭ. My dajom šaniec i ŭładam. Buduć sumlennyja vybary — budzie padtrymka ad Jeŭraźviaza. Nie budzie sumlennych vybaraŭ pa ŭsioj pracedury — usio zastaniecca tak, jak było dahetul».
Aproč hetaha, Radasłaŭ Sikorski ŭpieršyniu nazvaŭ pamier patencyjnaj finansavaj vyhody dla našaj krainy ad zbližeńnia ź Jeŭropaj — 3 młrd jeŭra na praciahu troch nastupnych hadoŭ.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje4
Kamientary