Denaminacyja ŭžo blizkaja?

Choć dziesiacirublovaja kupiura zastajecca zakonnym biletam Nacbanka, bolšaść biełarusaŭ jaje ŭžo nie ŭcprymaje jak vartyja hrošy. Šmat chto nie čakaje rešty, kali jana składaje 10 ci 20 rubloŭ, bo za ich ničoha nielha kupić. Ale

vyhladaje na toje, što drobnyja banknoty stanoviacca deficytnymi — z takoj prablemaj sutyknulisia staličnyja banki.

Sa stosam hrošaj u kišeni

Pra takuju situacyju karespandentu «NN» raskazaŭ supracoŭnik adnaho z adździaleńniaŭ «Biełarusbanka» na praśpiekcie Mašerava ŭ Minsku. «Čas ad času kožnaje adździaleńnie banka zamaŭlaje ŭ hałaŭnym ofisie novyja banknoty. Ich pryvoziać pačakami — naprykład, 1000 listoŭ piacitysiačnych kupiur, 1000 listoŭ statysiačnych… I prablemy z pastaŭkami banknot nie ŭźnikali nikoli.

Ale apošnija dva miesiacy na našyja zapyty zavieźci banknoty pa 10 i 20 rubloŭ niama nijakaj reakcyi.

Tamu davodzicca trymać u kišeni na ŭsialaki vypadak niekalki dziesiacirublovych kupiur, kab pry patrebie možna było dakłaści ich».

Prakamientavać situacyju my paprasili pres-słužbu «Biełarusbanka». «Našaje kiraŭnictva takoj prablemy nie bačać, niedachopu hrošaj niama. Našyja adździaleńni majuć peŭnuju samastojnaść, jany zakazvajuć hrošy ŭ filijach, a tyja ŭžo napramuju zamaŭlajuć hrošy, jakich brakuje. Kali prablema ŭ tym, što staryja kupiury skančajucca, a novych niama — heta pytańnie da Nacbanka. Usio ž emitent u nas adziny», — zajaviŭ pres-sakratar arhanizacyi.

Čutki z ambrazury

Paśla abychodu šeraha bankaŭskich adździaleńniaŭ u centry Minska vyśvietliłasia, što prablema datyčyć nie tolki «Biełarusbanka». Niekatoryja kasiry admaŭlalisia vydavać «kamiercyjnuju tajamnicu», ale niekatoryja pryznali — zavozy drobnych banknot sapraŭdy skončylisia dva miesiacy tamu. Takuju infarmacyju paćvierdzili, u pryvatnaści, supracoŭniki «Banka «Maskva-Minsk».

Źniknieńnie drobnych hrošaj možna patłumačyć jak prykmietu denaminacyi. Kali stanie bačnym, što kramy nie mohuć vydavać reštu, nasielnictva samo paprosić adkinuć niepatrebnyja nul ci navat dva nuli. Načalnik upraŭleńnia infarmacyi Nacbanka Anatol Drazdoŭ kateharyčna abviarhaje čutki: «Ja nie kamientuju takija plotki.

Vy darma słuchajecie toje, što vam raskazvajuć kasiry z-za svajoj ambrazury.

Nieaktualnyja hrošy

Dziesiaci- i dvaccacirublovyja kupiury ciapierašniaha ŭzoru byli ŭviedzienyja ŭ zvarot 1 studzienia 2000 hoda paśla denaminacyi. Banknota vartaściu 20 tysiač rubloŭ, papiarednik ciapierašniaj «dvaccatki», źjaviłasia ŭ 1994 ho dzie. Na aviersnym baku nadrukavanaja vyjava budynka Nacbanka. Na reviersnym znachodziłasia «Pahonia». Paśla denaminacyi jana źnikła, a na jaje miescy źjaviŭsia frahmient interjera budynka.

Dziesiacirublovaja kupiura vyłučajecca nie tolki pamierami — jana mienšaja za ŭsie astatnija, — ale i nieaktualnaj vyjavaj.

Karejski dośvied

Denaminacyja, navat kali b jana i adbyłasia, całkam techničnaja źjava, jakaja nie maje nijakich plusaŭ i minusaŭ dla nasielnictva. Adzinyja straty dla dziaržavy — srodki na drukavańnie novych banknotaŭ.

• 0
• 0
• 0
• 0
• 0
• 0
• 0
• 0