Łukašenka znoŭ vykazaŭsia pra naradžalnaść i pakazaŭ abaznanaść u pampiersach
Alaksandr Łukašenka ličyć nieabchodnym stymulavać u krainie naradžalnaść. Na hety momant jon asabliva źviarnuŭ uvahu ŭ čas narady ab stanie i pierśpiektyvach raźvićcia ankałahičnaj dapamohi ŭ Biełarusi.
«Kali my nie budziem stymulavać naradžalnaść, pryčym nie prosta
a jak minimum try, kab byŭ pryrost, my nie budziem mieć pierśpiektyvy jak dziaržava»,
— adznačyŭ jon.
«Tamu tut my skancentrujem usio. I samyja vialikija lhoty buduć pradastaŭleny tym, u kaho troje dziaciej», — skazaŭ kiraŭnik dziaržavy. U pryvatnaści, jon adznačyŭ, što ŭ hetym vypadku razmova moža iści ab biaspłatnaj trochpakajovaj kvatery. Akramia taho, šmatdzietnym siemjam mohuć być akazany i inšyja lhoty. Naprykład, na ŭtrymańnie i vychavańnie dziaciej, dobraŭparadkavańnie kvatery.
«Kvatera — heta dobra, ale siońnia niatanna kaštuje jaje ŭtrymlivać. Tamu tut treba budzie lhoty šmatdzietnym siemjam u zaležnaści ad ich dachodaŭ pradastaŭlać. I, vybačajcie, pampiersy niatanna kaštujuć.
Kali narmalna siońnia maleńkaje dzicia hadavać, viedajecie, $300 — heta minimum.
Pačynajučy ad dziciačaha charčavańnia i zakančvajučy hetymi pampiersami. Tamu patrebny i dapamohi na dziaciej adpaviednyja. Tut heta viaršynia», — ličyć jon.
Łukašenka taksama adznačyŭ, što ŭ inšych pytańniach, jakija datyčacca dapamohi dziciaci, situacyja ŭ dziaržavie niadrennaja.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»37
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary