Juryj Zisier: «Na našu krainu dastatkova adnaho administratara»

Novaja cana damienaŭ budzie mienšaj za 15 dalaraŭ — zamiest 33. A zarehistravać damien i pačać im karystacca možna budzie za niekalki chvilin.

Pa vynikach tenderu, jaki pravodziŭ Apieratyŭna-analityčny centr, novym techničnym administrataram zony 222.by budzie UP «Nadziejnyja prahramy» (hoster.222.by i TUT.by). Pa słovach dyrektara kampanii Juryja Zisiera, jany prapanavali samy nizki sabiekošt damiena: «My paličyli sabiekošt dla nas, a z pryčyny, što my ciapier rehistrujem bolš za ŭsio damienaŭ, to i cana ŭ nas atrymałasia mienšaja. Mahu skazać, što cana ŭpadzie vielmi istotna. My źbiaremsia z usimi rehistratarami i vyrašym, jakoj pavinna być rynkavaja cana. Tamu što rehistratary taksama nie mohuć zastacca biez zarobku: im treba niešta pradavać. Kolki budzie kaštavać damien, havaryć pakul rana, ale ja nie vyklučaju, što heta moža być 10 dalaraŭ. Dakładna mahu skazać, što heta budzie nie daražej za rasijskija damieny».

Siońnia rasijski damien kaštuje 15 dalaraŭ, biełaruski — kala 33, tamu možna skazać, što cana ŭpadzie ŭ dva-try razy. Z kolkaściu rehistrataraŭ ničoha nie źmienicca.

Administratar zastaniecca adzin — «Nadziejnyja prahramy», a rehistrataraŭ, jak i raniej, budzie 5.

Juryj Zisier: «Techničny administratar adzin. U vialikich krainach ich bolš, u Rasii, naprykład, 4, ale na našu krainu dastatkova adnaho. A rehistrataraŭ u nas jak było 5, tak i zastaniecca. Adnym z matyvaŭ, čamu AAC pravioŭ tender, było techničnaje raźvićcio zony 222.by. Tamu što ŭ zonie niama whois-servisu, jaki jość amal va ŭsich krainach, akramia nas. My budziem stymulavać raźvićcio bajnetu, kab ludzi rehistravali našy damieny ŭ zonie 222.by. My, napeŭna, praviadziem rekłamnuju kampaniju, kab nie tolki pradpryjemstvy, ale i fizičnyja asoby rehistravali sabie damieny».

Zaraz dla rehistracyi damiena nie treba budzie čakać: kupić i pačać im karystacca možna budzie za niekalki chvilin.

Juryj Zisier: «U adpaviednaści z novymi instrukcyjami, AAC praduhledzieŭ, što damien nie treba budzie ŭručnuju paćviardžać. Tamu ŭładalnik damiena atrymaje jaho adrazu paśla apłaty. Možna budzie, jak na Zachadzie, atrymać damien za niekalki chvilin, kali apłacić jaho pa kartcy ci veb-mani».

Źjaŭleńnie ž servisu whois budzie stymulavać pieraraźmierkavańnie damienaŭ, a mnohija ź ich mohuć vyzvalicca.

Juryj Zisier: «Heta budzie stymulavać pieraraźmierkavańnie damienaŭ pamiž udzielnikami rynku. Naprykład, ja pradstaŭnik łakafarbavaj firmy i chaču kupić damien kraski.222.by. Damien zaniaty, ale nie adkryvajecca, i ja nie mahu daviedacca, kamu jon naležyć, i kupić jaho navat za vialikija hrošy. Taksama nie sakret, što ciapierašni techničny administratar šmat hadoŭ trymaje damieny i nikomu za heta ničoha nie płacić — nu nie budzie ž jon płacić samomu sabie. Ciapier heta rabić budzie nielha. Tamu što svaje damieny treba budzie rehistravać u inšych, i heta moža pryvieści da taho, što vyzvalicca šmat damienaŭ».

Taksama ciapier vyklučany kibireskvotynh — kali niechta braniruje damien, suhučny ź imiem viadomych kampanij, kab zatym pierapradać jaho. Raniej zabraniravać damien 222.by možna było na miesiac i trymać jaho, čym niekatoryja i karystalisia. Ciapier ža ŭładalnikam budzie toj, chto pieršym uniasie płatu.

Zastajecca dačakacca, pakul źmienicca techničny administratar. Na heta moža spatrebicca niekalki miesiacaŭ.

Juryj Zisier: «U kastryčniku my ŭžo budziem hatovyja, ale nie dumaju, što heta budzie ŭ kastryčniku. Dla hetaha treba padać zajaŭku ŭ ICANN, mižnarodnuju arhanizacyju pa prysvajeńni damiennych imionaŭ. Tam hetaja pracedura budzie praciahvacca niekalki miesiacaŭ. Tamu što takija rečy zaćviardžajucca na praŭleńni kampanii, a da hetaha jany pavinnyja daśledavać, acanić našu reputacyju. I, chutčej za ŭsio, niechta z Amieryki pryjedzie śpiecyjalna na nas pahladzieć».

• 0
• 0
• 0
• 0
• 0
• 0
• 0
• 0