Vyhladaje, što novymi abvinavačvańniami Paŭła sprabujuć vymusić «pryznacca» ŭ teraryźmie.
Vyhladaje, što novymi abvinavačvańniami Paŭła sprabujuć vymusić «pryznacca» ŭ teraryźmie.
Niezarehistravanamu pravaabarončamu centru «Viasna» stała viadoma, što, akramia vybuchaŭ u Viciebsku 14 i 22 vieraśnia 2005 h., žodzinskamu aktyvistu Paŭłu Krasoŭskamu inkryminujuć jašče dva kryminalnyja epizody za 1999 h. zhodna z art.139 č.2, punkty 7, 8, 16 («zabojstva, spałučanaje sa zhvałtavańniem ci hvałtoŭnymi dziejańniami seksualnaha charaktaru; z metaj schavać inšaje złačynstva ci ablehčyć jaho ździajśnieńnie; učynienaje asobaj, jakaja raniej učyniła zabojstva»). Sankcyjaj u dadzienym artykule praduhledžvajecca pažyćciovaje źniavoleńnie ci śmiarotnaje pakarańnie. Dopyt Krasoŭskaha praciahvajecca.
Usio vyhladaje tak, niby novymi abvinavačvańniami Paŭła sprabujuć złamić i vymusić «pryznacca» ŭ teraryźmie.
Aryšt Paŭła Krasoŭskaha vyhladaje pradvieśnikam novych metadaŭ pieraśledu aktyvistaŭ biełaruskaj apazycyi. Kali raniej asudžali da źniavoleńnia pavodle «palityčnych» artykułach, takich, jak malavańnie «hrafici» na ścienkach ci arhanizacyja masavych biesparadkaŭ, dyk Krasoŭskaha źvinavacili pa zvyčajnaj «kryminałcy». Abvinavačvańni suprać Krasoŭskaha (teraryzm u 2005 h., u časie, kali Krasoŭski byŭ za miežami krainy, i zabojstvy, nibyta ździejśnienyja ŭ 1999 h., kali Krasoŭskamu było 16 hadoŭ) vyklikajuć žach. Kožny moža pastavić siabie na miesca Paŭła, jahonaj maci abo niaviesty.
Miž tym u Salihorsku ŭžo raspačataja kryminalnaja sprava suprać moładzievaha aktyvista Ivana Šyły pa padozrańni... u kradziažy.
Pry hetym na pamiać prychodziać najhoršyja metady pravakacyj i dyskredytacyi, jakija ŭžyvali specsłužby dyktatarskich režymaŭ minułych časoŭ, kab zapałochać pratestavyja słai nasielnictva i pieradusim moładź.
Abvinavačvańni suprać maładafrontaŭcaŭ Sieviarynca, Fińkieviča, Daškieviča i asabliva Krasoŭskaha vymahajuć nieadkładnaj i salidarnaj reakcyi biełaruskaha niezaležnaha hramadztva i suśvietnaj supolnaści. Heta jakraz toj vypadak, kali praviarajecca śpiełaść nacyi.
-
Stała viadoma, pa jakim artykule asudzili žychara Śvietłahorska, zatrymanaha pa viartańni ŭ Biełaruś
-
U Minsku DAI masava spyniaje kiroŭcaŭ karšerynhu
-
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary