«Źviazda»: Milicyjanty pryjduć da kožnaha biespracoŭnaha

MUS Biełarusi maje namier pravieści pierapis niaŭličanych pracoŭnych resursaŭ. Pavodle słoŭ pieršaha namieśnika načalnika Departamentu pa hramadzianstvu i mihracyi Ministerstva ŭnutranych spraŭ Alaksieja Biehuna, prykładna kožny treci pracazdolny biełarus nie zajaŭlaje ab svaich krynicach dachodaŭ, nia płacić padatkaŭ i nia robić adličeńniaŭ u sacyjalnyja fondy. Faktyčna milicyjantam daviadziecca dajści da kožnaha biespracoŭnaha čałavieka z nazvanaha vyšej «miljonnaha śpisu», kab vyśvietlić, na kaho hetyja ludzi pracujuć, piša dziaržaŭnaja hazeta «Źviazda».

Ahulnaja kolkaść takich, nia ŭciahnutych u aktyŭnuju pracoŭnuju dziejnaść asob, składaje amal 1 miljon čałaviek. Śpis «nachlebnikaŭ» na šyi ŭ hramadztva davoli vialiki. U hetuju katehoryju, naprykład, uvachodziać i ludzi, jakija zajmajucca chatniaj haspadarkaj, i kantynhient miescaŭ pazbaŭleńnia voli, i nielehalnyja pradprymalniki, i «hastarbajtery». Realnaja kolkaść apošnich, darečy, da hetaha času nieviadomaja. Aficyjna za miežami Biełarusi pracujuć tolki kala 5 tysiač našych suajčyńnikaŭ, ź jakich prykładna 3–4 tysiačy – u Rasiei. Razam z tym, pavodle źviestak mihracyjnych słužbaŭ RF, na terytoryi susiedniaj dziaržavy znachodziacca ad 150 da 300 tysiač biełaruskich «hastarbajteraŭ». Adnak heta tolki pryblizny lik. Tamu, jak paviedamiŭ Alaksiej Biahun, MUS krainy vyrašyła pravieści tatalny manitorynh usich suajčyńnikaŭ, jakija pracujuć za miažoj, i hramadzian, jakija ŭtojena zarablajuć sabie na chleb u Biełarusi.

Faktyčna milicyjantam daviadziecca dajści da kožnaha čałavieka z nazvanaha vyšej «miljonnaha śpisu», kab vyśvietlić, na kaho hetyja ludzi pracujuć. Na heta spatrebicca nia mienš za 2–3 miesiacy. Paśla taho, jak budzie zavieršany svojeasablivy pierapis niaŭličanych pracoŭnych resursaŭ, Ministerstva ŭnutranych spraŭ vystupić z kankretnymi prapanovami dziela ich lehalizacyi. Pavodle słoŭ Alaksieja Biehuna, naprykład, było b metazhodna dać mahčymaść «hastarbajteram» dobraachvotna deklaravać svaje dachody, atrymanyja za miažoj, i płacić padatki u biudžet Biełarusi, a taksama ŭnosić adličeńni ŭ pensijny i inšyja fondy. Suhramadzian, jakija nie zachočuć dzialicca dachodami ź dziaržavaj, prapanujecca pazbavić peŭnych sacyjalnych harantyj ci abmiežavać ilhoty. Jakija kankretna miery buduć pryniatyja da «nachlebnikaŭ» biełaruskaha hramadztva, Alaksiej Biahun nie paviedamiŭ, bo, jak jon kaža, zaraz «pytańnie tolki vyvučajecca», – adznačaje «Źviazda».

• 0
• 0
• 0
• 0
• 0
• 0
• 0
• 0