Hienieralnaja prakuratura Ukrainy maje namier ekshumavać pareštki zahinułaha ŭ DTZ u 1999 hodzie lideranacyjanalna-demakratyčnaj partyi «Narodny Ruch Ukrainy» Viačasłava Čarnavoła, kab pravieryć viersiju ab zabojstvie palityka. Ab hetym 22 lipienia paviedamiŭ hienprakuror Ukrainy Alaksandr Miadźviedźka.
25 sakavika 1999 Viačasłaŭ Čarnavoł i jahony kiroŭca Jaŭhien Paŭłaŭ na aŭtamabili «Tajota» sutyknulisia z aŭtamabilem KAMAZ na piatym kiłamietry trasy Baryspal — Załatanoša. Abodva zahinuli na miescy zdareńnia. V.Čarnavoł byŭ pachavany na centralnaj alei Bajkoŭskich mohiłak u Kijevie. Pravodzić jaho ŭ apošni šlach 29 sakavika 1999 hoda sabrałasia bolš za 200 tysiač čałaviek z usich kutkoŭ Ukrainy.
Užo na nastupnuju ranicu paśla hibieli palityka tahačasny ministr unutranych spraŭ Jury Kraŭčanka, nie čakajučy papiarednich vynikaŭ śledstva, zajaviŭ, što lider NRU i jahony kiroŭca zahinuli ŭ vyniku DTZ i što «viersija zamachu na Viačasłava Čarnavoła jak pryčyna jaho śmierci navat nie razhladałasia». U 2000 hodzie adzin sa śviedkaŭ zdareńnia, jaki ŭ toj momant znachodziŭsia ŭ kabinie samazvała — Ivan Šałom — niečakana pamior ad sardečnaha prystupu.
Pradstaŭniki NRU z samaha pačatku nazyvali hibiel svajho lidera palityčnym zabojstvam. Tym nie mienš, sprava ab hibieli Viačasłava Čarnavoła była zakrytaja ŭžo ŭ červieni 1999 hoda. Rasśledavańnie adnaviłasia 27 sakavika 2001 hoda, ale nieŭzabavie znoŭ była spyniena.
U sakaviku 2005 hoda deputaty Viarchoŭnaj rady ad NRU źviarnulisia da prezidenta Ukrainy Viktara Juščanki z prośbaj adnavić rasśledavańnie spravy. 4 krasavika 2005 hoda śledčyja dziejańni byli adnoŭlenyja tahačasnym hieneralnym prakuroram Śviatasłavam Piskunom, byli sabrany dadatkovyja materyjały, ale paśla adstaŭki Piskuna 14 kastryčnika 2005 rasśledavańnie znoŭ spyniłasia. U žniŭni 2006 hoda jano było znoŭ adnoŭlena.
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali18
Kamientary