Žurnalisckaja supolnaść baronić «Salidarnaść» ad Jarašuka

Hrupa viadomych biełaruskich žurnalistaŭ 19 lipienia vystupiła z zajavaj u padtrymku interniet-haziety «Salidarnaść». Nahodaj dla publičnaj zajavy staŭ cisk na interniet-resurs z boku prafsajuznych funkcyjanieraŭ.

Padajem tekst zajavy całkam:

«Tradycyjna napiaredadni vybaraŭ uzmacniajecca cisk z boku ŭłady na niezaležnyja srodki masavaj infarmacyi. U hetych umovach niedziaržaŭnym hramadska-palityčnym ŚMI asabliva patrebnyja nie tolki salidarnaść i spryjańnie z boku hramadskich arhanizacyj, palityčnych partyj dy inšych strukturaŭ demakratyčnaj supolnaści, a i naohuł stratehija ŭzajemadziejańnia.

U źviazku z hetym my vykazvajem svaju zaniepakojenaść z nahody taho, što asobnyja prafsajuznyja funkcyjaniery sprabujuć pastavić pad kantrol dziejnaść niezaležnaha internet-vydańnia «Salidarnaść». Pryncypovaja pazicyja hetaha sajtu ŭ dačynieńni da niekatorych niehatyŭnych momantaŭ u biełaruskim prafsajuznym ruchu pryviała da taho, što suprać redakcyi byli vysunutyja niedarečnyja i biespadstaŭnyja abvinavačvańni.

Staŭleńnie da svabody słova vyznačaje ŭzrovień demakratyčnaści pohladaŭ samich palitykaŭ.

Hety krok nijak nie stasujecca ni z demakratyčnymi standartami, ni z zajavami samoha Alaksandra Jarašuka, jaki ŭ adnym sa svaich niadaŭnich intervju śćviardžaŭ: «Budiet očień nieprostoj hod. Mnie kažietsia, eto budiet momient istiny i dla vsieho diemokratičieskoho soobŝiestva. Provierka na to, kak ono otnositsia k solidarnosti s niezavisimymi sriedstvami massovoj informacii… Jeśli nie budiem zaŝiŝať niezavisimyje ŚMI, kotoryje i tak niemnohočiślenny, to nie stoit razmyšlať i ob učastii v političieskich kampanijach».

Sapraŭdy, heta tak. Tamu my

zaklikajem spynić ataki na «Salidarnaść» i spadziajemsia, što ŭ svajoj dalejšaj dziejnaści Alaksandr Jarašuk i jaho prychilniki buduć z pavahaj stavicca da svabody słova i druku, a taksama da prava na bieśpieraškodnaje atrymańnie i raspaŭsiudžvańnie infarmacyi».

Zajavu padpisali:

1. Hałoŭny redaktar haziety «SNplus. Svobodnyje novosti plus» Vasil Zdaniuk

2. Hałoŭny redaktar haziety «Novy čas» Alaksiej Karol

3. Dyrektar infarmacyjnaj kampanii BiełaPAN Aleś Lipaj

4. Staršynia HA «Biełaruskaja asacyjacyja žurnalistaŭ» Žanna Litvina

5. Hałoŭny redaktar haziety «Naša Niva» Andrej Skurko

6. Hałoŭny redaktar «Jeŭrapiejskaha radyjo dla Biełarusi» Julija Słuckaja

7. Hałoŭny redaktar haziety «Narodnaja vola» Iosif Siaredzič

8. Hałoŭny redaktar haziety «Biełorusy i rynok» Viačasłaŭ Chadasoŭski

9. Staršynia schodu siabraŭ Asacyjacyi vydaŭcoŭ rehijanalnaj presy «Abjadnanyja MasMiedyi» Uładzimir Janukievič

• 0
• 0
• 0
• 0
• 0
• 0
• 0
• 0