Mižnarodny dabračynny fond dapamohi dzieciam «Šanc» vykazvaje ŭdziačnaść dabračyncam za dapamohu ŭ zbory srodkaŭ na lačeńnie ciažkachvorych dziaciej, paviedamiła BiełaPAN śpiecyjalist pa suviaziach z hramadskaściu fondu Taćciana Žachoŭskaja.
Pavodle jaje słoŭ, sabranyja 65.142 dalary ZŠA i 20.091.500 rubloŭ dazvolili pravieści ŭ šviedskaj klinicy apieracyju pa impłantacyi vadziciela rytmu dyjafrahmy ŭ trochhadovaj Paliny Mišuty z Navapołacka (Viciebskaja vobłaść) — dziaŭčynki ź sindromam praklaćcia Undziny (idyjapatyčnaje apnoe ŭ śnie). Dzicia ad naradžeńnia znachodziłasia ŭ reanimacyi, padčas snu dziaŭčynku padklučali da aparata štučnaj vientylacyi lohkich. Dziakujučy apieracyi Palina nabyła mahčymaść dychać samastojna. Zaraz dziaŭčynka adčuvaje siabie dobra i pakul znachodzicca ŭ Navapołackaj haradskoj balnicy pad nahladam daktaroŭ. Baćki Paliny ŭdziačnyja tym, chto pieraličyŭ srodki na lačeńnie ich dački i padaravaŭ ich dziciaci šanc na paŭnacennaje žyćcio.
Zavieršany zbor srodkaŭ na lačeńnie Aliny Harełavaj z dyjahnazam «niejrasensornaja dvuchbakovaja tuhavuchaść IV stupieni». Dziaŭčynka moža viarnuć słych z dapamohaj kachlearnaj impłantacyi. U poŭnym abjomie sabranyja srodki, jakija nieabchodnyja dla pakupki słychavoha impłanta, i chutka adbudziecca apieracyja pa jaho ŭžyŭleńni. Jość nadzieja, što Alina nabudzie mahčymaść adkryć dla siabie śviet hukaŭ.
Fond dziakuje ŭsim, chto adhuknuŭsia na zaklik pra dapamohu 13-hadovamu Ženiu Vałčku — padletku z pryrodžanym parokam serca. Niadaŭna Ženia z mamaj viarnulisia ź Jerevana, dzie chłopčyk byŭ praapieravany. Zaraz padletak idzie na papraŭku.
Zavieršana akcyja pa źbirańni srodkaŭ na dapamohu 12-hadovaj Mašy Rachlej z dyjahnazam «adamantynoma vialikabiarcovaj kości». Nieabchodnyja dla praviadzieńnia apieracyi 29.000 dalaraŭ ZŠA sabranyja. Zaraz Maša znachodzicca ŭ Rasijskim ankałahičnym navukovym centry imia Mikałaja Błachina, dzie joj chutka budzie zroblena apieracyja pa vydaleńni paražonaha ŭčastka kości i zamienie jaho endapratezam.
«Šanc» vykazvaje ščyruju padziaku ŭsim nieraŭnadušnym ludziam za supracoŭnictva, razumieńnie i padtrymku, a taksama zaprašaje stać dabračyncam fondu, atrymać šanc prajavić miłasernaść i dałučycca da vysakarodnaj spravy dapamohi ciažkachvorym dzieciam.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary