Žančyna z Homiela nahavaryła praklonaŭ pa telefonie na 450 rubloŭ
Žycharka Homiela budzie vymušanaja zapłacić štraf sumaj 450 rubloŭ za abrazy i praklony, vykazanyja pa telefonie na adras sudovaha vykanaŭcy. Pra hety vypadak paviedamili ŭ Hałoŭnym upraŭleńni justycyi Homielskaha abłvykankama.
Jak stała viadoma, 35‑hadovaja žančyna praciahły čas uchilałasia ad vypłaty aŭtakredytu. Bank źviarnuŭsia ŭ sud, i ŭ vyniku razhladu spravy aŭtamabil, jaki znachodziŭsia ŭ zakładzie, byŭ aryštavany i pradadzieny. Adnak atrymanych hrošaj nie chapiła, kab całkam kampiensavać zapazyčanaść.
Paśla hetaha sudovaja vykanaŭca nakłała spahnańnie na bankaŭski rachunak hamialčanki, kab atrymać astatniuju sumu doŭhu. U adkaz žančyna patelefanavała ŭ adździeł prymusovaha vykanańnia i razmova pierajšła ŭ kanflikt: jana dapuściła hrubyja abrazy i praklony, zakranuŭšy navat siamiejnikaŭ supracoŭnicy.
Telefonny zvanok byŭ zapisany, i heta stała padstavaj dla pryciahnieńnia žančyny da administracyjnaj adkaznaści. Sud pryznačyŭ joj štraf sumaj 10 bazavych adzinak za abrazu dziaržaŭnaj słužbovaj asoby pry vykanańni słužbovych abaviazkaŭ. U sudzie hamialčanka pryznała svaju vinu i patłumačyła svaje pavodziny raptoŭnym emacyjnym zryvam.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary