U Francyi znojdzieny miortvym 38‑hadovy rasijski žurnalist, jaki źbieh tudy
Mužčyna vypaŭ z akna svajoj kvatery na siomym paviersie. U jaho kvatery znajšli kresła, prystaŭlenaje da akna, i leki ŭ śmietnicy.
U Francyi (kamuna Miedon) 6 studzienia znojdzieny miortvym 38‑hadovy rasijski žurnalist, jaki źbieh u Francyju, paviedamlaje Le Figaro. Imia jaho vydańnie nie nazvała.
Mužčyna vypaŭ z akna svajoj kvatery na siomym paviersie. Palicejskija ŭ jaho kvatery znajšli kresła, prystaŭlenaje da akna, i leki ŭ śmietnicy. U kvatery byŭ taksama susied, jaki razmaŭlaŭ tolki pa-rusku. Jon byŭ u stanie šoku, i nieviadoma, ci byŭ jon śviedkam zdareńnia. Jaho advieźli ŭ balnicu pad kanvojem.
Razhladajecca viersija samazabojstva. Le Figaro piša, što žurnalist moh atrymlivać pahrozy z boku Rasii.
Rasijski žurnalist Dzianis Bałašoŭ piša, što havorka idzie pra žurnalista Jaŭhienija Safronava. Jon pierajechaŭ za miažu da pačatku poŭnamaštabnaj vajny z-za taho, što miedyja, u jakim jon pracavaŭ, pryznali «inahientam».
Paŭhoda tamu Safronaŭ pierajechaŭ u Paryž, u jaho pačałasia depresija. Za tydzień da śmierci ŭ jaho ŭzłamali akaŭnty ŭ sacsietkach i na Dziaržpasłuhach.
Ciapier čytajuć
Pobač z Łukašenkam na chakiei źjaviłasia novaja pryhažunia10
Kamientary