Bondarava i ŭsie astatnija. Top-20 biełarusaŭ, pra jakich u 2025 hodzie čytali ŭ biełaruskaj Vikipiedyi
Pieršaje miesca rejtynhu moža ździvić.
Prarasijskaja aktyvistka Volha Bondarava stała samaj papularnaj asobaj siarod biełarusaŭ u biełaruskamoŭnaj «Vikipiedyi» ŭ 2025 hodzie.
Bijahrafičny artykuł pra danosčycu sabraŭ 7281 prahlad za hod, śćviardžajecca ŭ daśledavańni «Ličbavy baromietr Biełarusi».
Vierahodna, takaja cikavaść da artykuła pra Bondaravu źviazana ŭ tym liku z tym, što ŭ ruskamoŭnaj «Vikipiedyi» jaje bijahrafii niama. Danosčyca abyšła navat Alaksandra Łukašenku: jon tut na druhim miescy z pakazčykam 6306 prahladaŭ. Zamykaje trojku lidaraŭ ministr infarmacyi Marat Markaŭ — u jaho 3403 prahlady.
U piaciorku trapili taksama palitźniavoleny žurnalist Andžej Pačobut — jaho staronku adkryvali 2895 razoŭ — i palitołah Roza Turarbiekava, u jakoj 2506 prahladaŭ.
Patryjarch biełaruskaha ruchu Zianon Paźniak idzie šostym (1805), jamu ŭ śpinu dychaje prapahandyst Ihar Tur (1880). Śviatłana Cichanoŭskaja na vośmym miescy z vynikam 1871. U kancy dziasiatki nobieleŭskaja łaŭreatka Śviatłana Aleksijevič (1713) i zasnavalnik «Biełaha lehijona» Siarhiej Bulba (1701).
U druhoj dziasiatcy — žurnalist Alaksandr Ivulin, palityk i palitźniavoleny Mikoła Statkievič, nobieleŭski łaŭreat i pravaabaronca Aleś Bialacki, piśmieńnik Uładzimir Niaklajeŭ, palityk i błohier Siarhiej Cichanoŭski, tenisistka Aryna Sabalenka, prapahandystka Ludmiła Hładkaja, premjer-ministr Alaksandr Turčyn i dramaturh Mikałaj Chalezin. Zamykaje top-20 prapahandyst Andrej Mukavozčyk.
Aŭtary daśledavańnia analizavali danyja staronak «Vikipiedyi» z dapamohaj resursu Pageviews Analysis. Jany padkreślivajuć, što danyja pra naviedvalnaść staronak adlustroŭvajuć tolki ŭzrovień infarmacyjnaj cikavaści, a nie simpatyi ci antypatyi aŭdytoryi. Vysokija pakazčyki prahladaŭ mohuć być vyklikany jak padtrymkaj dziejnaści piersony, tak i rezkim niepryniaćciem abo raptoŭnaj cikavaściu, spravakavanaj jaje aktyŭnaściu ŭ publičnym poli.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Usio trapna, voraha treba znać u tvar!