Ad 45 da 9000 rubloŭ: jak vyraśli štrafy za parušeńnie PDR

Za kiravańnie transpartnym srodkam (TS) kiroŭcam, nie pryšpilenym ramniom biaśpieki, albo pieravozku pasažyraŭ, nie pryšpilenych ramniami biaśpieki, praduhledžany štraf da adnoj bazavaj (45 rubloŭ). Kiravańnie TS, u dačynieńni da jakoha nie vydadzieny dazvoł na dopusk da ŭdziełu ŭ darožnym ruchu (techahlad), kali ŭłaśnikam takoha TS źjaŭlajecca fizičnaja asoba, karajecca štrafam da troch bazavych (da 135 rubloŭ).

Kiravańnie TS biez afarmleńnia strachoŭki dla fizičnaj asoby abydziecca ŭ adnu-try bazavych (45—135 rubloŭ). Takoje ž pakarańnie praduhledžana dla piešachodaŭ, viełasipiedystaŭ, a taksama asob, jakija ŭdzielničajuć u darožnym ruchu i nie kirujuć TS, pišuć «Minsk-Naviny».

Štraf ad adnoj da piaci bazavych (45—225 rubloŭ) pryznačajuć asobam, jakija kirujuć TS i pry hetym nie vykonvajuć patrabavańniaŭ sihnałaŭ śvietłafora abo rehuliroŭščyka. Takoje ž pakarańnie pahražaje kiroŭcam, jakija ihnarujuć praviły raźmiaščeńnia TS na prajeznaj častcy, nie dajuć pieravahi ŭ ruchu maršrutnamu TS abo piešachodam, nie vykonvajuć patrabavańniaŭ darožnych znakaŭ abo raźmietki (za vyklučeńniem vyjezdu na pałasu sustrečnaha ruchu), albo parušajuć praviły manieŭravańnia ci prajezdu skryžavańniaŭ.

Kudy bolš stroha karajuć kiroŭcaŭ, jakija parušajuć praviły abhonu albo vyjazdžajuć na pałasu sustrečnaha ruchu ŭ vypadkach, kali heta zabaroniena PDR. Za heta možna atrymać štraf ad dźviuch da 10 bazavych (90—450 rubloŭ), mahčyma taksama pazbaŭleńnie prava kiravańnia TS na termin da adnaho hoda. Kali parušeńnie praviłaŭ pryviało da stvareńnia avaryjnaj abstanoŭki, štraf składzie ad piaci da 20 bazavych (225—900 rubloŭ), mahčyma pazbaŭleńnie prava kiravańnia na termin da dvuch hadoŭ.

Spynieńnie abo stajanka TS z parušeńniem PDR abydziecca aŭtaŭładalniku ŭ adnu bazavuju (45 rubloŭ). Niepravamiernaja stajanka na miescy, adviedzienym dla stajanki TS invalidaŭ, karajecca dźviuma bazavymi (90 rubloŭ). A voś spynieńnie abo stajanka hruzavoha aŭtamabila, aŭtobusa, kołavaha traktara, samachodnaj mašyny, pryčepa z parušeńniem PDR abydziecca pravaparušalniku ŭ piać bazavych (225 rubloŭ).

Kali čałaviek nie maje prava sadzicca za rul, ale ŭsio ž taki zrabiŭ heta, to pieršy raz ryzykuje być aštrafavanym na sumu ad 225 da 900 rubloŭ (ad piaci da 20 bazavych). U vypadku paŭtornaha parušeńnia na praciahu hoda štraf składzie ad 900 da 2 250 rubloŭ (ad 20 do 50 bazavych). U jakaści pakarańnia mohuć pryznačacca hramadskija raboty praciahłaściu 8—60 hadzin, a taksama administracyjny aryšt da 15 sutak.

Strohaje pakarańnie čakaje kiroŭcaŭ, jakija kirujuć TS u stanie apjanieńnia. Štraf składaje 100 (4 500 rubloŭ) abo 200 (9 000 rubloŭ) bazavych vieličyń (u zaležnaści ad stupieni apjanieńnia). Parušalnik taksama pazbaŭlajecca prava kiravańnia na try hady abo piać hadoŭ adpaviedna.

• 0
• 0
• 0
• 0
• 0
• 0
• 0
• 0