Źlićcio «Naftahaza» i «Hazproma» niemahčymaje, zajaviŭ prezident Ukrainy Viktar Janukovič.
Pa jaho słovach, Ukrainu zacikaviła b abjadnańnie «Hazproma» i «Naftahaza» «50 na 50». Janukovič padkreśliŭ, što Ukraina ŭ takim vypadku atrymaje dolu kantrolu nad usioj majomaściu «Hazproma».
«Nu, ja b skazaŭ tak: my razumiejem, što heta niemahčyma zrabić 50 na 50, tamu što „Hazprom“ nikoli nie pahodzicca na heta, nie pahodzicca Rasija. Heta taki svojeasablivy žart. Što da abjadnańnia na lubych inšych umovach, to heta niemahčyma», — cytuje Janukoviča «Ukrainskaja praŭda».
Na ŭdakładnialnaje pytańnie, ci budzie źlićcio kampanij, prezident adkazaŭ: «Nu, heta niemahčyma. Kali vieści razmovu ab madernizacyi hazatranspartnaj sistemy — heta realna, ale heta pytańnie, jakoje treba praličvać».
«U nas hatovyja prapanovy, my bačym etapnaść praviadzieńnia hetaj madernizacyi i ličym, što ŭdzielnikami hetaha prajektu mohuć być krainy ES, Rasija i Ukraina», — skazaŭ Janukovič.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć50
Kamientary