Sudovaja kalehija Viarchoŭnaha suda pad kiraŭnictvam sudździ Ihara Lubavickaha 14 listapada razhledzieła apielacyjnuju skarhu žurnalista Ihara Iljaša na prysud Minharsuda.
Advakat prasiŭ apraŭdać Ihara, a prakuror zaklikaŭ pakinuć prysud u čatyry hady i štraf 100 bazavych vieličyniaŭ bieź źmienaŭ. Kalehija suda vyrašyła pakinuć prysud bieź źmienaŭ.
Žurnalista Ihara Iljaša abvinavačvali ŭ dyskredytacyi Respubliki Biełaruś i ŭ sadziejničańni ekstremisckaj dziejnaści. Pra jaho zatrymańnie 22 kastryčnika 2024 hoda paviedamili praŭładnyja ŚMI, śćviardžajučy, što žurnalist davaŭ intervju niezaležnym i zamiežnym miedyjam, u tym liku ŭkrainskim, što nibyta mahło być vykarystana suprać dziaržavy.
22 listapada 2024 hoda pravaabaroncy pryznali Ihara Iljaša palityčnym viaźniem. Raniej, u lipieni 2021 hoda, jaho ŭžo zatrymlivali na 10 sutak pa inšaj spravie, jakaja dalejšaha raźvićcia nie atrymała.
Žonka Iljaša, Kaciaryna Andrejeva (Bachvałava), razam ź videaapieratarkaj Darjaj Čulcovaj była zatrymanaja 15 listapada 2020 hoda padčas tranślacyi razhonu ludziej, jakija pryjšli ŭšanavać pamiać aktyvista Ramana Bandarenki. U lutym 2021 hoda sud pryhavaryŭ ich da dvuch hadoŭ pazbaŭleńnia voli, pryznaŭšy palityčnymi viaźniami.
U lipieni 2022 hoda Kaciaryna Andrejeva atrymała 8 hadoŭ pazbaŭleńnia voli pa abvinavačańni ŭ zdradzie dziaržavie, z ulikam papiaredniaha prysudu termin skłaŭ 8 hadoŭ i 3 miesiacy. Jaje skarhu ŭ Viarchoŭnym sudzie ŭ vieraśni 2022 hoda nie zadavolili, ale farmuloŭku abvinavačańnia źmianili na «špijanaž».
Ciapier čytajuć
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary