Samarobnaja zbroja pa typu kinžała aficera SS, abrez, nažoŭ ZŠA, Hiermanii, SSSR — u viaskoŭca z-pad Mahilova kanfiskavali arsienał
Amal dva dziasiatki nažoŭ i štykoŭ, patrony i abrez strelby znajšli doma ŭ 51‑hadovaha žychara Mahiloŭskaha rajona supracoŭniki 11‑ha ŭpraŭleńnia HUBAZiKa.
Ekśpiert Dziaržkamiteta sudovych ekśpiertyz pryjšoŭ da vysnovy, što 17 z 18 pradmietaŭ źjaŭlajucca chałodnaj zbrojaj, adzinaccać — vyrableny samarobnym sposabam.
Šerah abjektaŭ, vyrablenych zavodskim sposabam, supaŭ z uzorami chałodnaj zbroi pieryjadu Druhoj suśvietnaj vajny. Samy rarytetny ekzemplar u hetaj kalekcyi — armiejski nož SSSR uzoru 1940 hoda, jaki šyroka vykarystoŭvaŭsia ŭ vajnu i zachavaŭsia da našych dzion u dobrym stanie. Siarod astatniaj zavodskaj zbroi, akramia štykoŭ dy vintovak SSSR i Hiermanii, mielisia takija redkija asobniki, jak palaŭničy nož Maskoŭskaha tavarystva palaŭničych i rybałovaŭ SSSR, taktyčny nož Stell Will 131M Sentence ZŠA.
Samarobnaja zbroja vyrablena pa typu sałdatskaha kinžała-biebuta ŭzoru 1907 h., kinžała aficera SS uzoru 1936 h. (Hiermanija), naža Fighting|Utility Knife 1219C2» armii ZŠA, noža madeli 98 łodzinskaj firmy Sanitas i inšych uzoraŭ.
Pa vynikach balistyčnych ekśpiertyz ustanoŭlena, što abrez vyrableny samarobnym sposabam z palaŭničaj strelby madeli «IŽ-18Je» 20‑ha kalibru, źjaŭlajecca ručnoj hładkarulnaj ahniastrelnaj zbrojaj, prydatnaj dla stralby. Kanfiskavanyja tryccać čatyry patrony prydatnyja i pryznačany dla stralby z takoj zbroi i źjaŭlajucca bojeprypasami. Bolšaja častka patronaŭ načyniena samarobnym sposabam.
Pravoachoŭniki daduć pravavuju acenku dziejańniam «kalekcyjaniera». Sudovyja ekśpierty nahadvajuć, što za niezakonnyja dziejańni ŭ adnosinach da chałodnaj zbroi praduhledžana administracyjnaja i kryminalnaja adkaznaść.
Kamientary