U Vietcy mužčyna ŭpaŭ z aŭtamabilnaha mosta praz Sož, ale paśpieŭ začapicca za mietaličnuju kanstrukcyju i tamu nie zvaliŭsia ŭ vadu. Incydent adbyŭsia 3 listapada kala 14:50, paviedamili ŭ Homielskaj abłasnoj arhanizacyi Tavarystva ratavańnia na vodach.
Na miesca zdareńnia adrazu vyjechała dziažurnaja źmiena ratavalnikaŭ. Kali jany prybyli, mužčyna ŭžo byŭ biez prytomnaści, ale trymaŭsia za kanstrukcyju mosta. Vyratavalniki zastrachavali jaho ad padzieńnia, vyciahnuli ź niebiaśpiečnaj zony i pieradali miedykam.
U balnicy vyśvietlili, što paciarpieły, 1988 hoda naradžeńnia, byŭ u stanie ałkaholnaha apjanieńnia i atrymaŭ surjoznyja traŭmy. Jamu akazali nieabchodnuju miedycynskuju dapamohu.
U Tavarystvie ratavańnia na vodach nahadali, što chadzić pa starych tratuarach na hetym moście stroha zabaroniena — pobač idzie budaŭnictva novaha pierachodu, a pra niebiaśpieku papiaredžvajuć aharodžy i śpiecyjalnyja znaki.
Ciapier čytajuć
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na miljon, skradzieny sa zboru na chvoraje dzicia?34
Kamientary