U Rasii paśla ŭdaraŭ dronaŭ harać Navakujbyšaŭski naftapierapracoŭčy zavod u Samary i hazapierapracoŭčy zavod u Arenburhu
Hetyja abjekty raźmieščanyja za 1000—1500 km ad linii frontu.
U noč na 19 kastryčnika ŭkrainskija bieśpiłotniki atakavali Arenburhski hazapierapracoŭčy zavod. Pavodle słoŭ hubiernatara vobłaści Jaŭhiena Soncava, častkova paciarpieła infrastruktura zavoda.
Arenburhski hazapierapracoŭčy zavod — najbujniejšy ŭ Rasii hazachimičny kompleks. Mahutnaść pierapracoŭki na pradpryjemstvie składaje 37,5 młrd m³ hazu ŭ hod.
A žychary Navakujbyšaŭska padzialilisia kadrami vialikaha słupa dymu, jaki idzie ad «Navakujbyšaŭskaha naftapierapracoŭčaha zavoda», paviedamiła ASTRA.
Kiraŭnictva vobłaści paćvierdziła ataku BPŁA na rehijon, ale nie ŭdakładniła nastupstvy.
Minabarony adspravazdačyłasia ab źniščeńni 45 bieśpiłotnikaŭ nad terytoryjami Rasii i Krymam: 12 źbili ŭ Samarskaj vobłaści, 11 — u Sarataŭskaj, pa 5 — u Rastoŭskaj i Varoniežskaj, pa 2 — u Branskaj i Lipieckaj, pa 1 — u Vałhahradskaj, Arenburhskaj, Razanskaj, Ćviarskoj i Tulskaj abłaściach, a taksama 3 — u Krymie.
Kamientary