Śpiecyjalisty nahadvajuć: pik zachvorvańniaŭ, jak praviła, prypadaje na listapad — śniežań i luty — sakavik. Ale prafiłaktyku varta pačynać zahadzia, pišuć Minsk-naviny.
— Zaraz my fiksujem čakany siezonny rost zachvorvańniaŭ vostrych reśpiratornych zachvorvańniaŭ, — raskazała namieśnica hałoŭnaha doktara pa miedycynskaj častcy 8‑j haradskoj palikliniki Uljana Černik. — Najbolš efiektyŭny sposab prafiłaktyki hrypu i karanavirusa — vakcynacyja.
Aptymalny termin — kastryčnik: imunitet farmirujecca ciaham dvuch tydniaŭ i abaraniaje na praciahu ŭsiaho epidsiezonu. Asabliva važna pryščapicca ludziam z hrup ryzyki: pažyłym, ciažarnym, pacyjentam z chraničnymi zachvorvańniami.
Kab źnizić vierahodnaść zaražeńnia, daktary rajać vykonvać prostyja praviły: rehularna myć ruki, karystacca antysieptykami, pravietryvać pamiaškańni i nasić masku ŭ miescach skapleńnia ludziej. Taksama važnyja paŭnavartasny son, pravilnaje charčavańnie i ŭmieranaja fizičnaja aktyŭnaść.
Kamientary