Niekalki nieapaznanych bieśpiłotnikaŭ byli zaŭvažanyja ŭ pavietry nad fiederalnaj ziamloj Šleźvih‑Halštejn na poŭnačy Hiermanii ŭ noč na piatnicu. Pra incydent paviedamiła ministr unutranych spraŭ fiederalnaj ziamli Sabina Ziuterlin‑Vak, piša Deutsche Welle.
Ministr nie paviedamiła padrabiaznaściaŭ ab tym, dzie mienavita i ŭ jakoj kolkaści byli vyjaŭlenyja BPŁA, viadoma tolki, što ich było bolej za adzin.
Pa słovach Vak, MUS rehijona viadzie «intensiŭny i padrabiazny abmien dumkami» adnosna incydentu z uradam FRH i bundesveram. Palicyja Šleźvih‑Halštejna taksama ŭzmacniaje abaronu ad BPŁA ŭ kaardynacyi z susiednimi fiederalnymi ziemlami.
«Zrazumieła, my ŭ Šleźvih‑Halštejnie taksama rasśledujem u hetym vypadku padazreńni ŭ špijonstvie i dyviersii i zachoŭvajem krajniuju pilnaść», — skazała ministr.
Usiaho ž u 2025 hodzie lik vyjaŭlenych nieapaznanych BPŁA kala ŭźbiarežžaŭ rehijonu idzie na dziasiatki.
U susiedniaj z Šleźvih‑Halštejnam Danii ŭžo niekalki raz na noč bačyli BPŁA.
Fiederalnaja ziamla Šleźvih‑Halštejn na poŭnačy miažuje z Danijaj, pravaachoŭniki jakoj raniej paviedamlali pra nieapaznanyja BPŁA, nieadnarazova zaŭvažanyja ŭ načny čas kala aeraportaŭ.
Tak, u noč na 26 vieraśnia drony byli vyjaŭleny nad dackim aeraportam Olbarh, z‑za čaho pavietrany port spyniaŭ pryjom rejsaŭ.
25 vieraśnia nieapaznanyja drony byli zaŭvažanyja ŭ rajonach aeraportaŭ Olbarh, Esbjerh i Sionierborh, a taksama nad jašče adnoj aviabazaj dackich vajskova-pavietranych sił Skrysdstrup. Usim latalnym srodkam udałosia ŭciačy ad pieraśledu, chto i adkul ich zapuskali — nieviadoma.
A ŭviečary 22 vieraśnia z‑za nieviadomych dronaŭ u pavietry zakryvali aeraport Kapienhahiena.
Učora bieśpiłotniki byli zaŭvažanyja nad hałoŭnaj vajskova-marskoj bazaj Šviecyi.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary