Некалькі неапазнаных беспілотнікаў былі заўважаныя ў паветры над федэральнай зямлёй Шлезвіг‑Гальштэйн на поўначы Германіі ў ноч на пятніцу. Пра інцыдэнт паведаміла міністр унутраных спраў федэральнай зямлі Сабіна Зютэрлін‑Вак, піша Deutsche Welle.
Міністр не паведаміла падрабязнасцяў аб тым, дзе менавіта і ў якой колькасці былі выяўленыя БПЛА, вядома толькі, што іх было болей за адзін.
Па словах Вак, МУС рэгіёна вядзе «інтэнсіўны і падрабязны абмен думкамі» адносна інцыдэнту з урадам ФРГ і бундэсвэрам. Паліцыя Шлезвіг‑Гальштэйна таксама ўзмацняе абарону ад БПЛА ў каардынацыі з суседнімі федэральнымі землямі.
«Зразумела, мы ў Шлезвіг‑Гальштэйне таксама расследуем у гэтым выпадку падазрэнні ў шпіёнстве і дыверсіі і захоўваем крайнюю пільнасць», — сказала міністр.
Усяго ж у 2025 годзе лік выяўленых неапазнаных БПЛА каля ўзбярэжжаў рэгіёну ідзе на дзясяткі.
У суседняй з Шлезвіг‑Гальштэйнам Даніі ўжо некалькі раз на ноч бачылі БПЛА.
Федэральная зямля Шлезвіг‑Гальштэйн на поўначы мяжуе з Даніяй, праваахоўнікі якой раней паведамлялі пра неапазнаныя БПЛА, неаднаразова заўважаныя ў начны час каля аэрапортаў.
Так, у ноч на 26 верасня дроны былі выяўлены над дацкім аэрапортам Ольбарг, з‑за чаго паветраны порт спыняў прыём рэйсаў.
25 верасня неапазнаныя дроны былі заўважаныя ў раёнах аэрапортаў Ольбарг, Эсб’ерг і Сёнерборг, а таксама над яшчэ адной авіабазай дацкіх вайскова-паветраных сіл Скрысдструп. Усім лятальным сродкам удалося ўцячы ад пераследу, хто і адкуль іх запускалі — невядома.
А ўвечары 22 верасня з‑за невядомых дронаў у паветры закрывалі аэрапорт Капенгагена.
Учора беспілотнікі былі заўважаныя над галоўнай вайскова-марской базай Швецыі.
Ціханоўская пра мужа: Увесь ягоны свет перакулены22
Каментары