U Biełarusi ŭpieršyniu za 40 hadoŭ abjavili pra pačatak siezona palavańnia na ryś. Jon budzie doŭžycca z 1 kastryčnika 2025 hoda pa 31 studzienia 2026 hoda.
Pavodle infarmacyi Dziaržaŭnaj inśpiekcyi achovy žyviolnaha śvietu pry Łukašenku, dazvoł na palavańnie vydadzieny z-za rostu kolkaści rysiaŭ u niekatorych rehijonach krainy. Adnak hety vid, jak i miadźviedź, maje «binarny pryrodaachoŭny status»: ryś zastajecca ŭ Čyrvonaj knizie, a palavać na jaje dazvolena tolki pry vykanańni peŭnych umoŭ.
Dazvoł palavać na ryś vydajecca na padstavie Płana kiravańnia papulacyjaj rysiaŭ u Biełarusi, zaćvierdžanaha Ministerstvam pryrodnych resursaŭ i achovy navakolnaha asiarodździa. Palavańnie dazvolena ŭ peŭnych rajonach Viciebskaj, Homielskaj, Hrodzienskaj i Minskaj abłaściej.
Palavańnie možna vieści na žyvioł luboha połu i ŭzrostu, u luby čas sutak, z prymianieńniem ružejnaha sposabu— z zasady abo z padychodu pad kiraŭnictvam kiraŭnika palavańnia. Dapuskajecca vykarystańnie naraznoj abo hładkastvolnaj zbroi z patronami z kulaj abo karciečču. Taksama dazvalajecca vykarystoŭvać palaŭničych sabak, parody jakich vyznačajucca karystalnikami palaŭničych uhodździaŭ.
Košt licenzii na palavańnie na ryś składzie: 200 rubloŭ dla hramadzian Biełarusi i krain JEAES i 500 rubloŭ dla hramadzian inšych krain.
U lesie pamiž Iviancom i Rakavam turysty sustreli ryś z rysianiatami VIDEA
U Pietrykaŭskim rajonie trapili na kamieru dźvie rysi VIDEA
U Słuckim rajonie ŭ chleŭ zabryła ryś VIDEA
Vyznačyli terminy palavańnia na čyrvonaknižnych miadźviedzia i ryś
Za prava zabić čarhovaha miadźviedzia palaŭničy zapłaciŭ bolš za 117 tysiač rubloŭ
Čaho čakaje Polšča ad Minska i ci zakryje znoŭ miažu na hetym tydni?26
Kamientary