Vyznačyli terminy palavańnia na čyrvonaknižnych miadźviedzia i ryś
Alaksandr Łukašenka 19 listapada źmianiŭ praviły palavańnia. Ciapier aficyjna dazvalajecca palavańnie na miadźviedzia i ryś. Amal adrazu vyznačyli i terminy palavańnia na hetych redkich žyvioł.
Palavańnie na miadźviedziaŭ budzie pačynacca 1 lipienia i zakančvacca 31 śniežnia, na ryś — z 1 kastryčnika pa 31 studzienia.
Heta rašeńnie łabiravała Biełaruskaje tavarystva palaŭničych i rybałovaŭ i asabista jahony kiraŭnik, były ministr unutranych spraŭ Ihar Šunievič. Jon užo niekalki hadoŭ pravodzić nastojlivuju kampaniju za vyklučeńnie z Čyrvonaj knihi i ŭklučeńnie ŭ lik palaŭničych vidaŭ na terytoryi Biełarusi buraha miadźviedzia i rysi.
Taksama Šunievič vykazvaŭsia za toje, kab pačać palavać na busłoŭ, žuravoŭ i lebiedziaŭ.
U Ministerstvie lasnoj haspadarki faktyčna padtrymali dazvoł na palavańnie na čyrvonaknižnych žyvioł.
— Na siońniašni dzień u Biełarusi naličvajecca bolš za tysiaču miadźviedziaŭ i bolš za paŭtary tysiačy rysiaŭ. Na žal, u niekatorych rehijonach krainy ź imi ŭsio čaściej uźnikajuć kanfliktnyja situacyi, a ŭ ŚMI milhaje infarmacyja ab DTZ, jakija zdarylisia. Žyvioły stali zachodzić na terytoryi nasielenych punktaŭ i navat sustrakalisia ŭ navakollach horada Minska. My razumiejem, što z-za mier, što prymajucca dziaržavaj pa achovie, ich kolkaść značna ŭzrasła. Tamu, kab miechanizm rehulavańnia ich kolkaści byŭ bolš hnutkim i płaŭnym, byli praduhledžany źmianieńni ŭ Praviły palavańnia, — raskazaŭ pieršy namieśnik Ministra lasnoj haspadarki Alaksandr Drahun.
Ukazam dazvalajecca palavańnie na miadźviedzia i ryś na padstavie płanaŭ kiravańnia papulacyjami, jakija raspracoŭvajucca Nacyjanalnaj akademijaj navuk Biełarusi. Mienavita akademija navuk adstojvała čyrvonaknižnikaŭ ad Šunieviča i jaho tavarystva. Ale, jak vynikaje, nie atrymałasia.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać30
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary