«Praviły źmianilisia». U kantralavanym Kitajem hrečaskim porcie aryštavali tysiačy kantejnieraŭ z kantrabandaj
U Afinach prakurory pastavili kropku ŭ šmathadovaj afiery: aryštavana rekordnaja kolkaść kantejnieraŭ z kitajskimi tavarami. Heta najbujniejšaja apieracyja ŭ historyi Jeŭrasajuza, jakaja vykryła kitajskuju złačynnuju sietku, što abyšła mytnyja pošliny na sotni miljonaŭ jeŭra.
Jeŭrapiejskaja prakuratura (EPPO) praviała najbujniejšuju ŭ historyi Jeŭrasajuza apieracyju pa kanfiskacyi kantrabandnaha hruzu: na składzie ŭ porcie Pirej, najbujniejšym u Hrecyi i tym, što znachodzicca ŭ kiravańni kitajskaj dziaržaŭnaj kampanii COSCO, byli aryštavanyja 2435 kantejnieraŭ z tavarami z Kitaja, piša Politico.
Kantejniery ŭtrymlivali, u asnoŭnym, elektraviełasipiedy, tekstyl i abutak. Pavodle źviestak prakuratury, hetyja tavary na praciahu vaśmi hadoŭ sistematyčna ŭvozilisia ŭ ES z metaj uchileńnia ad vypłaty antydempinhavych pošlin i padatku na dabaŭlenuju vartaść. Škoda biudžetu ES i krain-členaŭ skłała kala 800 młn jeŭra.
Kala 500 kanfiskavanych kantejnieraŭ vykarystoŭvalisia dla ŭvozu elektraviełasipiedaŭ, pry hetym 360 ź ich nie byli zadekłaravanyja zusim. Straty biudžetu ES tolki ad hetych viełasipiedaŭ składajuć nie mienš za 25 młn jeŭra pa pošlinach i 12,5 młn pa PDV.
EPPO vystaviła abvinavačvańni šaści asobam, źviazanym sa złačynnaj schiemaj. Siarod ich — dvoje supracoŭnikaŭ hrečaskaj mytni, jakich abvinavačvajuć u šmatrazovaj falsifikacyi dakumientaŭ i naniasieńni škody biudžetu ES, a taksama čatyry mytnyja brokiery, jakim stavicca ŭ vinu sadziejničańnie va ŭchileńni ad pošlin i arhanizacyja falšyvych siertyfikacyj.
Apieracyja, jakaja atrymała nazvu «Kalipsa», vyjaviła pracu arhanizavanych złačynnych sietak, pieravažna kantralavanych hramadzianami Kitaja, jakija zajmalisia nie tolki kantrabandaj, ale i admyvańniem hrošaj z nastupnym pieravodam srodkaŭ nazad u Kitaj.
Apieracyja «Kalipsa» pakazvaje, što praviły źmianilisia, prakamientavali ŭ Jeŭrapiejskaj prakuratury.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary