U Lidzie traktaryst «zarabiŭ» za try hady paŭtara miljona rubloŭ
Akazałasia, dyrektar i rabotniki praviarnuli chitruju schiemu.
Usio pačałosia ŭ listapadzie 2022 hoda. Tady 38-hadovy dyrektar arhanizacyi daŭ ukazańnie hałoŭnamu buchhałtaru vyvodzić hrošy z rachunkaŭ. Hetyja sumy 50-hadovaja buchhałtar pieraličvała na kartu 41-hadovamu traktarystu-mašynistu — svajmu bratu. Toj zdymaŭ hrošy i addavaŭ siastry, jany za heta atrymlivali ŭznaharodžańnie.
Pavodle danych śledstva, bolš čym za 2,5 hoda z pradpryjemstva skrali pa takoj schiemie bolš za 1,3 miljona rubloŭ.
Akramia taho, u mai 2024 hoda dyrektar daŭ ukazańnie hałoŭnamu buchhałtaru pieraličać na jaho rachunak sumy zvyš zarobku. Tak jon atrymaŭ bolš za 150 tysiač rubloŭ.
Na dopycie dyrektar raspavioŭ, što razumieŭ: schiemu rana ci pozna raskryjuć, ale heta jaho nie spyniała. Hrošy jon traciŭ na asabistyja patreby i adpačynak, paviedamlaje SK.
Pry hetym bolšuju častku sumy mužčyna prajhraŭ u azartnyja hulni.
Zaraz praviarajuć finansavuju dakumientacyju pradpryjemstva, na majomaść fihurantaŭ i ich rachunki nakładzieny aryšt, vyvučajecca inšaja majomaść, u tym liku zarehistravanaja na blizkich svajakoŭ.
Zaviedziena kryminalnaja sprava za kradziež šlacham złoŭžyvańnia słužbovymi paŭnamoctvami ŭ asabliva bujnym pamiery. Fihurantam pahražaje da 12 hadoŭ pazbaŭleńnia voli. Dyrektar i hałoŭny buchhałtar znachodziacca pad vartaj, traktaryst — pad chatnim aryštam.
Ciapier čytajuć
Biełarusy ŭ panicy šturmujuć polskija dziaržaŭnyja słužby — tam bolš nie prymajuć dakumienty na savieckich błankach8
Kamientary