Prezident ZŠA Donald Tramp vykazaŭ upeŭnienaść, što sustreča pamiž prezidentami Rasii i Ukrainy — Uładzimiram Pucinym i Uładzimiram Zialenskim — abaviazkova adbudziecca. Choć, pavodle jaho słoŭ, jana pavinna była prajści jašče try miesiacy tamu.
Donald Tramp paviedamiŭ pra heta žurnalistam pierad svaim adlotam u Šatłandyju i adznačyŭ, što takaja sustreča — nieabchodnaja ŭmova dla mirnych pieramoŭ.
Tramp nie vyklučaje mahčymaści ŭviadzieńnia druhasnych sankcyj suprać Rasii, kali na praciahu 50 dzion nie budzie bačna prahres u pieramovach. Jon užo vystaviŭ adpaviedny ultymatum 14 lipienia: u vypadku adsutnaści vynikaŭ ZŠA ŭviaduć 100-pracentnyja mytnyja pošliny.
U Kramli, u svaju čarhu, padkreślivajuć, što sustreča moža adbycca tolki ŭ tym vypadku, kali baki buduć hatovyja pastavić kropku ŭ kanflikcie. Rasijski bok ličyć, što niama sensu znoŭ abmiarkoŭvać usio z nula. Pradstaŭnik Kramla Dźmitryj Piaskoŭ taksama zajaviŭ, što praces uzhadnieńnia pazicyj vielmi składany i za karotki termin vyrašyć pytańni niemahčyma.
U toj ža čas ukrainski bok nastojvaje na sustrečy prezidentaŭ. Pavodle Rustema Umierava, kiraŭnika ŭkrainskaj delehacyi na pieramovach u Stambule, Kijeŭ prapanoŭvaŭ Maskvie pravieści sustreču da kanca žniŭnia ŭ prysutnaści lidaraŭ Turcyi i ZŠA — Redžepa Taipa Erdahana i Donalda Trampa.
Ukraina atrymaje abiacanyja Trampam Patriot nie raniej za viasnu 2026 hoda — Spiegel
Syrski paprasiŭ Trampa dapamahčy Ukrainie pieranieści vajnu na terytoryju Rasii
ZŠA pastaviać zbroju najpierš tym sajuźnikam, jakija addaduć svaje zapasy Ukrainie
ZŠA śpiašajucca pieradać Ukrainie abiacanuju Trampam zbroju jak maha chutčej
Kamientary