Ministerstva kultury vyznačyła budynki na vulicy Vaładarskaha ŭ Minsku, jakija padlahajuć achovie jak materyjalnyja nieruchomyja historyka-kulturnyja kaštoŭnaści.
Heta praduhledžana pastanovaj viedamstva ad 19 červienia 2025 hoda №61, jakaja aficyjna apublikavana na Nacyjanalnym pravavym internet-partale,.
Dakumientam zaćvierdžany prajekt zon achovy nieruchomych materyjalnych historyka-kulturnych kaštoŭnaściej, raźmieščanych pa vuł. Vaładarskaha, 2 (tam byŭ kompleks budynkaŭ SIZA), 4 (tam byŭ Technabank), 6 u Minsku.
Na płanie, jaki prykładajecca da pastanovy, adznačany tyja abjekty, što nie buduć źniesieny. Heta nie tolki sam zamak, ale i słužbovy dom, reštki byłych ciejchhaŭza (budynki dla zachoŭvańnia amunicyi i zbroi) i łaźni. Šerah inšych pabudoŭ moža być źniesieny.
U toj ža čas terytoryja vakoł Piščałaŭskaha zamka adznačana jak achoŭnaja zona. Na joj zabaroniena ŭźviadzieńnie novych budynkaŭ, akramia «adnaŭleńnia stračanaj histaryčnaj zabudovy na padstavie navukova-daśledčych prac».
Raniej paviedamlałasia, što paśla rekanstrukcyi na terytoryi byłoj turmy (SIZA pierabrałasia ŭ Kaladzičy) zastaniecca piać budynkaŭ: sam zamak, adnapaviarchovy budynak za im, a taksama abjekty pieršaj linii z boku vulicy Vaładarskaha, jakija ciapier schavanyja za aharodžaj.
Astatnija budynki, a taksama płot buduć demantavanyja. Terytoryja stanie adkrytaj. Na joj zapłanavana płošča dla masavych mierapryjemstvaŭ, praduhledžana miesca dla ŭstanoŭki mabilnaj sceny. Taksama źjaviacca prahułačnaja zona i parkoŭka.
Na cokalnym i pieršym pavierchach zamka buduć raźmieščanyja abjekty hramadskaha charčavańnia z asobnymi ŭvachodami. Na druhim i trecim pavierchach płanujucca administracyjnyja pamiaškańni. Jak paviedamlajuć aŭtary kancepcyi, mahčyma, tam źjaviacca kavorkinh, vystavačnaja halereja, turystyčnaje biuro ci inšyja ofisy, aryjentavanyja na absłuhoŭvańnie klijentaŭ. Dla supracoŭnikaŭ administracyjnaj zony adkryjuć kafieteryj.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary