Vydaviectva «Papury» pieravydała knihu kazak Nadziei Jaśminskaj «Siem ružaŭ» ź ilustracyjami Kaciaryny Dubovik. Hetaja kniha ŭ 2016 hodzie pieramahła adrazu ŭ dźviuch naminacyjach Premii Ciotki za najlepšaje mastackaje afarmleńnie i za najlepšy tvor dla dziaciej, piša Bellit.info.
«Upieršyniu knižka vyjšła ŭ 2015 hodzie i była majoj pieršaj samastojnaj pracaj paśla vypusku z akademii mastactvaŭ, Pieršy tyraž daŭno raskupleny, aryhinały ilustracyj abasnavalisia ŭ Nacyjanalnym Mastackim Muziei Biełarusi, ale ŭsie hetyja hady dyzajn knihi nie davaŭ mnie spakoju. Zaraz, praź dziesiać hod, mnie vypaŭ šaniec zrabić svojeasablivuju «pracu nad pamyłkami». Siem čaroŭnych kazak Nadzi Jaśminskaj vyjšli pad novaj vokładkaj, z novym dyzajnam, i, miescami, z novymi ilustracyjami», — prakamientavała navinu ŭ sacsietkach mastačka Kaciaryna Dubovik.
U knizie apaviadajecca, pra toje, jak adnojčy ŭ Hustym lesie sabralisia dziŭnyja istoty i zrabili darunki ludziam. Jany stvaryli čaradziejnyja kvietki-ružy. Kožnaja ź ich musiła dastacca peŭnaj dziaŭčyncy i źmianić jejnaje žyćcio samym niejmaviernym čynam. Siem ružaŭ — siem kazak.
Knihu možna nabyć u mienskaj kniharni Parahraf_45 i inšych kramach, a taksama na markietpłejsach, naprykład, tut.
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi12
Kamientary