Rada Jeŭropy vyrašyła stvaryć śpiectrybunał pa ahresii Rasii suprać Ukrainy
Rada Jeŭropy zaklučyła pahadnieńnie z Ukrainaj ab stvareńni śpiecyjalnaha trybunała pa złačynstvie ahresii Rasii suprać Ukrainy, piša Bi-bi-si.
AAN ličyć takim złačynstvam užyvańnie ŭzbrojenaj siły dziaržavaj suprać suvierenitetu, terytaryjalnaj cełasnaści abo palityčnaj niezaležnaści inšaj krainy.
Dakumient padpisali ŭ Strasburhu hienieralny sakratar Rady Jeŭropy Alen Biersie i prezident Ukrainy Uładzimir Zialenski, jaki prybyŭ u Francyju paśla ŭdziełu ŭ samicie NATA ŭ Haazie.
«Kožny vajenny złačyniec pavinien viedać, što jość pravasudździe, i heta tyčycca Rasii, — skazaŭ Zialenski paśla padpisańnia. — Pravasudździe patrabuje času, ale ja ŭpeŭnieny, što jano pavinna adbycca». «My pavinny vyrazna pakazać, što ahresija viadzie da pakarańnia», — dadaŭ jon.
Śpiectrybunał pavinien sudzić najvyšejšych palityčnych i vajennych kiraŭnikoŭ, jakija niasuć adkaznaść za paŭnamaštabnaje ŭvarvańnie Rasii va Ukrainu.
Adnak pačać sud nad prezidentam Uładzimiram Pucinym, premjer-ministram Michaiłam Mišuścinym i kiraŭnikom MZS Rasii Siarhiejem Łaŭrovym trybunał zmoža tolki paśla taho, jak jany pakinuć svaje pasady.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Jany nie źbirajucca pakidać svaje pasady da samaj svajoj śmierci.
Raschodimsia.