Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja
Učora nieŭzabavie paśla 21:00 u Izraili zahučali sireny, nieba nad Tel-Avivam i Ijerusalimam aśviatliłasia jarkimi ŭspyškami. Iran vypuściŭ pa Izraili niekalki rakiet: sistema SPA nie zmahła pierachapić usie, i niekatoryja trapili prosta ŭ žyłyja rajony, piša Bild.
U Tel-Avivie ŭ vyniku atak zahinuli piać čałaviek, nie mienš za 80 paranieny, mnohija — ciažka. Izrailskija vajskoŭcy paviedamili pra čatyry chvali atak, kožnaja ź jakich uklučała dziasiatki rakiet.
Udary taksama pryjšlisia pa žyłych damach u Ramat-Hanie, rajonie ahłamieracyi Huš-Dan na ŭschod ad Tel-Aviva, i ŭ Ryšon-le-Cyjonie.
Učora Izrail raspačaŭ apieracyju «Paŭstańły leŭ» suprać Irana kala 2-j hadziny nočy. Metaj było źniščeńnie iranskaj jadziernaj prahramy: izrailskija VPS nanieśli ŭdary pa rakietnych bazach, avijabazach i abjektach SPA.
«Kali budzie na toje Božaja vola, mahutnaja ruka Uzbrojenych sił Isłamskaj Respubliki nie pakinie heta biespakaranym», — zajaviŭ kiraŭnik Irana, ajatała Ali Chamieniei, paśla ŭdaru Izraila.
Iran adreahavaŭ praz 18 hadzin, vypuściŭšy dziasiatki balistyčnych rakiet pa haradach Izraila. Ministr abarony Izraila Israel Kac zajaviŭ: Iran «pierasiok čyrvonyja linii», advažyŭšysia vypuścić rakiety pa hramadzianskich centrach Izraila.
Pradstaŭnik urada ZŠA paćvierdziŭ, što armija ZŠA dapamahała Izrailu ŭ adbićci atak, adnak padrabiaznaści pra maštaby dapamohi zastajucca zasakrečanymi.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Kitaj pakul maŭčyć.