U piatnicu žurnalisty zazirnuli na Kamaroŭski rynak, kab daviedacca, jakija ceny čakajuć minčan u vychadnyja. Siezon u samym razhary: na pryłaŭkach — bahaćcie biełaruskaj zielaniny, jahad i sadaviny. Asabliva aktyŭna raźbirajuć kłubnicy, piša Onliner.by.
Na kłubnicy ciapier vialiki vybar i rozny raźlot cen — ad 10,99 da 25 rubloŭ za kiłahram. Samyja darahija jahady — bujnyja, z hlancavym blaskam, jak z rekłamy. U prodažy taksama šmat čarešni (ad 20 rubloŭ za kiło), źjavilisia biełaruskija maliny (10—25 rub. za łatok), žymałaść (kala 20 rub. za šklanačku) i čarnicy, za jakija prosiać ad 69 da 90 rubloŭ.
Abrykosy pakul nie tannyja — 10,9—12,9 rub./kh, ale handlary abiacajuć źnižeńnie cen paśla novych pastavak z Małdovy i Armienii. Niektaryny ŭ rajonie 20 rubloŭ. Jość taksama kavuny i dyni ź Irana. Kavun možna ŭziać pa akcyi — za 6,5 rubla, dyni abyducca daražej — prykładna 11,9 rubla za kiłahram.
Siarod harodniny popytam karystajucca ahurki (ad 4,5 da 8 rubloŭ), pamidory (6,9—19,9 rubloŭ), redźka (4,5—6 rubloŭ) i zielanina, jakaja vahajecca ŭ canie ad 0,8 da 1,5 rubla za pučok. Za maładuju bulbu prosiać ad 4 da 8 rubloŭ, a letašniuju addajuć prykładna za 5 rubloŭ.
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary